| Library / Tipiṭaka / တိပိဋက • Tipiṭaka / အင္ဂုတ္တရနိကာယ • Aṅguttaranikāya |
၂-၁၂. ဘဇိတဗ္ဗာဒိသုတ္တာနိ
2-12. Bhajitabbādisuttāni
၁၅၆-၁၆၆. ‘‘ဒသဟိ, ဘိက္ခဝေ, ဓမ္မေဟိ သမန္နာဂတော ပုဂ္ဂလော န ဘဇိတဗ္ဗော။ပေ.။ ဘဇိတဗ္ဗော။ပေ.။ န ပယိရုပာသိတဗ္ဗော။ ပယိရုပာသိတဗ္ဗော။ပေ.။ န ပုဇ္ဇော ဟောတိ။ ပုဇ္ဇော ဟောတိ။ပေ.။ န ပာသံသော ဟောတိ။ ပာသံသော ဟောတိ။ပေ.။ အဂာရဝော ဟောတိ။ သဂာရဝော ဟောတိ။ပေ.။ အပ္ပတိသ္သော ဟောတိ။ သပ္ပတိသ္သော ဟောတိ။ပေ.။ န အာရာဓကော ဟောတိ ။ အာရာဓကော ဟောတိ။ပေ.။ န ဝိသုဇ္ဈတိ။ ဝိသုဇ္ဈတိ။ပေ.။ မာနံ နာဓိဘောတိ။ မာနံ အဓိဘောတိ။ပေ. ။ ပညာယ န ဝဍ္ဎတိ။ ပညာယ ဝဍ္ဎတိ။ပေ.။။
156-166. ‘‘Dasahi, bhikkhave, dhammehi samannāgato puggalo na bhajitabbo…pe… bhajitabbo…pe… na payirupāsitabbo… payirupāsitabbo…pe… na pujjo hoti… pujjo hoti…pe… na pāsaṃso hoti… pāsaṃso hoti…pe… agāravo hoti… sagāravo hoti…pe… appatisso hoti… sappatisso hoti…pe… na ārādhako hoti … ārādhako hoti…pe… na visujjhati… visujjhati…pe… mānaṃ nādhibhoti… mānaṃ adhibhoti…pe. … paññāya na vaḍḍhati… paññāya vaḍḍhati…pe….
‘‘ဗဟုံ အပုညံ ပသဝတိ။ ဗဟုံ ပုညံ ပသဝတိ။ ကတမေဟိ ဒသဟိ? သမ္မာဒိဋ္ဌိကော ဟောတိ, သမ္မာသင္ကပ္ပော ဟောတိ, သမ္မာဝာစော ဟောတိ, သမ္မာကမ္မန္တော ဟောတိ, သမ္မာအာဇီဝော ဟောတိ, သမ္မာဝာယာမော ဟောတိ , သမ္မာသတိ ဟောတိ, သမ္မာသမာဓိ ဟောတိ, သမ္မာဉာဏီ ဟောတိ, သမ္မာဝိမုတ္တိ ဟောတိ – ဣမေဟိ ခော, ဘိက္ခဝေ, ဒသဟိ ဓမ္မေဟိ သမန္နာဂတော ပုဂ္ဂလော ဗဟုံ ပုညံ ပသဝတီ’’တိ။
‘‘Bahuṃ apuññaṃ pasavati… bahuṃ puññaṃ pasavati. Katamehi dasahi? Sammādiṭṭhiko hoti, sammāsaṅkappo hoti, sammāvāco hoti, sammākammanto hoti, sammāājīvo hoti, sammāvāyāmo hoti , sammāsati hoti, sammāsamādhi hoti, sammāñāṇī hoti, sammāvimutti hoti – imehi kho, bhikkhave, dasahi dhammehi samannāgato puggalo bahuṃ puññaṃ pasavatī’’ti.
ပုဂ္ဂလဝဂ္ဂော ပဌမော။
Puggalavaggo paṭhamo.
Related texts:
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / အင္ဂုတ္တရနိကာယ (ဋီကာ) • Aṅguttaranikāya (ṭīkā) / ၁-၄၄. ဗ္ရာဟ္မဏပစ္စောရောဟဏီသုတ္တာဒိဝဏ္ဏနာ • 1-44. Brāhmaṇapaccorohaṇīsuttādivaṇṇanā
