| Library / Tipiṭaka / တိပိဋက • Tipiṭaka / အင္ဂုတ္တရနိကာယ • Aṅguttaranikāya |
၄-၂၃. ဘလ္လိကာဒိသုတ္တာနိ
4-23. Bhallikādisuttāni
၁၂၀-၁၃၉. ‘‘ဆဟိ, ဘိက္ခဝေ, ဓမ္မေဟိ သမန္နာဂတော ဘလ္လိကော ဂဟပတိ။ပေ.။ သုဒတ္တော ဂဟပတိ အနာထပိဏ္ဍိကော။ စိတ္တော ဂဟပတိ မစ္ဆိကာသဏ္ဍိကော။ ဟတ္ထကော အာဠဝကော။ မဟာနာမော သက္ကော။ ဥဂ္ဂော ဂဟပတိ ဝေသာလိကော။ ဥဂ္ဂတော ဂဟပတိ။ သူရမ္ဗဋ္ဌော 1 ။ ဇီဝကော ကောမာရဘစ္စော။ နကုလပိတာ ဂဟပတိ။ တဝကဏ္ဏိကော ဂဟပတိ။ ပူရဏော ဂဟပတိ။ ဣသိဒတ္တော ဂဟပတိ။ သန္ဓာနော 2 ဂဟပတိ။ ဝိစယော 3 ဂဟပတိ။ ဝိဇယမာဟိကော 4 ဂဟပတိ။ မေဏ္ဍကော ဂဟပတိ ။ ဝာသေဋ္ဌော ဥပာသကော။ အရိဋ္ဌော ဥပာသကော။ သာရဂ္ဂော 5 ဥပာသကော တထာဂတေ နိဋ္ဌင္ဂတော အမတဒ္ဒသော အမတံ သစ္ဆိကတ္ဝာ ဣရိယတိ။ ကတမေဟိ ဆဟိ? ဗုဒ္ဓေ အဝေစ္စပ္ပသာဒေန, ဓမ္မေ အဝေစ္စပ္ပသာဒေန, သင္ဃေ အဝေစ္စပ္ပသာဒေန, အရိယေန သီလေန, အရိယေန ဉာဏေန, အရိယာယ ဝိမုတ္တိယာ။ ဣမေဟိ ခော, ဘိက္ခဝေ, ဆဟိ ဓမ္မေဟိ သမန္နာဂတော သာရဂ္ဂော ဥပာသကော တထာဂတေ နိဋ္ဌင္ဂတော အမတဒ္ဒသော အမတံ သစ္ဆိကတ္ဝာ ဣရိယတီ’’တိ။ တေဝီသတိမံ။
120-139. ‘‘Chahi, bhikkhave, dhammehi samannāgato bhalliko gahapati…pe… sudatto gahapati anāthapiṇḍiko… citto gahapati macchikāsaṇḍiko… hatthako āḷavako… mahānāmo sakko… uggo gahapati vesāliko… uggato gahapati… sūrambaṭṭho 6 … jīvako komārabhacco… nakulapitā gahapati… tavakaṇṇiko gahapati… pūraṇo gahapati… isidatto gahapati… sandhāno 7 gahapati… vicayo 8 gahapati… vijayamāhiko 9 gahapati… meṇḍako gahapati … vāseṭṭho upāsako… ariṭṭho upāsako… sāraggo 10 upāsako tathāgate niṭṭhaṅgato amataddaso amataṃ sacchikatvā iriyati. Katamehi chahi? Buddhe aveccappasādena, dhamme aveccappasādena, saṅghe aveccappasādena, ariyena sīlena, ariyena ñāṇena, ariyāya vimuttiyā. Imehi kho, bhikkhave, chahi dhammehi samannāgato sāraggo upāsako tathāgate niṭṭhaṅgato amataddaso amataṃ sacchikatvā iriyatī’’ti. Tevīsatimaṃ.
သာမညဝဂ္ဂော ဒ္ဝာဒသမော။
Sāmaññavaggo dvādasamo.
Footnotes:
Related texts:
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / အင္ဂုတ္တရနိကာယ (အဋ္ဌကထာ) • Aṅguttaranikāya (aṭṭhakathā) / ၁၂. သာမညဝဂ္ဂဝဏ္ဏနာ • 12. Sāmaññavaggavaṇṇanā
