| Library / Tipiṭaka / තිපිටක • Tipiṭaka / සම්‌මොහවිනොදනී-අට්‌ඨකථා • Sammohavinodanī-aṭṭhakathā |
2. අභිධම්‌මභාජනීයවණ්‌ණනා
2. Abhidhammabhājanīyavaṇṇanā
444. අභිධම්‌මභාජනීයං උත්‌තානත්‌ථමෙව. නයා පනෙත්‌ථ ගණෙතබ්‌බා. ‘‘ඡන්‌දසමාධිපධානසඞ්‌ඛාරසමන්‌නාගතං ඉද්‌ධිපාදං භාවෙතී’’ති වුත්‌තට්‌ඨානස්‌මිඤ්‌හි ලොකුත්‌තරානි චත්‌තාරි නයසහස්‌සානි විභත්‌තානි. වීරියසමාධිආදීසුපි එසෙව නයො. තථා උත්‌තරචූළභාජනීයෙ ඡන්‌දිද්‌ධිපාදෙ චත්‌තාරි නයසහස්‌සානි විභත්‌තානි, වීරියචිත්‌තවීමංසිද්‌ධිපාදෙ චත්‌තාරි චත්‌තාරීති සබ්‌බානිපි අට්‌ඨන්‌නං චතුක්‌කානං වසෙන ද්‌වත්‌තිංස නයසහස්‌සානි විභත්‌තානි. එවමෙතං නිබ්‌බත්‌තිතලොකුත්‌තරානංයෙව ඉද්‌ධිපාදානං වසෙන ද්‌වත්‌තිංසනයසහස්‌සප්‌පටිමණ්‌ඩිතං අභිධම්‌මභාජනීයං කථිතන්‌ති වෙදිතබ්‌බං.
444. Abhidhammabhājanīyaṃ uttānatthameva. Nayā panettha gaṇetabbā. ‘‘Chandasamādhipadhānasaṅkhārasamannāgataṃ iddhipādaṃ bhāvetī’’ti vuttaṭṭhānasmiñhi lokuttarāni cattāri nayasahassāni vibhattāni. Vīriyasamādhiādīsupi eseva nayo. Tathā uttaracūḷabhājanīye chandiddhipāde cattāri nayasahassāni vibhattāni, vīriyacittavīmaṃsiddhipāde cattāri cattārīti sabbānipi aṭṭhannaṃ catukkānaṃ vasena dvattiṃsa nayasahassāni vibhattāni. Evametaṃ nibbattitalokuttarānaṃyeva iddhipādānaṃ vasena dvattiṃsanayasahassappaṭimaṇḍitaṃ abhidhammabhājanīyaṃ kathitanti veditabbaṃ.
Related texts:
තිපිටක (මූල) • Tipiṭaka (Mūla) / අභිධම්‌මපිටක • Abhidhammapiṭaka / විභඞ්‌ගපාළි • Vibhaṅgapāḷi / 9. ඉද්‌ධිපාදවිභඞ්‌ගො • 9. Iddhipādavibhaṅgo
ටීකා • Tīkā / අභිධම්‌මපිටක (ටීකා) • Abhidhammapiṭaka (ṭīkā) / විභඞ්‌ග-මූලටීකා • Vibhaṅga-mūlaṭīkā / 9. ඉද්‌ධිපාදවිභඞ්‌ගො • 9. Iddhipādavibhaṅgo
ටීකා • Tīkā / අභිධම්‌මපිටක (ටීකා) • Abhidhammapiṭaka (ṭīkā) / විභඞ්‌ග-අනුටීකා • Vibhaṅga-anuṭīkā / 9. ඉද්‌ධිපාදවිභඞ්‌ගො • 9. Iddhipādavibhaṅgo
