| Library / Tipiṭaka / တိပိဋက • Tipiṭaka / အင္ဂုတ္တရနိကာယ (အဋ္ဌကထာ) • Aṅguttaranikāya (aṭṭhakathā) |
(၁၀) ၅. လောဏကပလ္လဝဂ္ဂော
(10) 5. Loṇakapallavaggo
၁. အစ္စာယိကသုတ္တဝဏ္ဏနာ
1. Accāyikasuttavaṇṇanā
၉၃. ပဉ္စမသ္သ ပဌမေ အစ္စာယိကာနီတိ အတိပာတိကာနိ။ ကရဏီယာနီတိ အဝသ္သကိစ္စာနိ။ ယဉ္ဟိ န အဝသ္သံ ကာတဗ္ဗံ, တံ ကိစ္စန္တိ ဝုစ္စတိ။ အဝသ္သံ ကာတဗ္ဗံ ကရဏီယံ နာမ။ သီဃံ သီဃန္တိ ဝေဂေန ဝေဂေန။ တသ္သ ခော တန္တိ ဧတ္ထ တန္တိ နိပာတမတ္တံ။ နတ္ထိ သာ ဣဒ္ဓိ ဝာ အာနုဘာဝော ဝာတိ သာ ဝာ ဣဒ္ဓိ သော ဝာ အာနုဘာဝော နတ္ထိ။ ဥတ္တရသ္ဝေတိ တတိယဒိဝသေ။ ဥတုပရိဏာမိနီတိ လဒ္ဓဥတုပရိဏာမာနိ ဟုတ္ဝာ။ ဇာယန္တိပီတိ တတိယဒိဝသေ နိက္ခန္တသေတင္ကုရာနိ ဟောန္တိ, သတ္တာဟေ ပတ္တေ နီလင္ကုရာနိ ဟောန္တိ။ ဂဗ္ဘီနိပိ ဟောန္တီတိ ဒိယဍ္ဎမာသံ ပတ္ဝာ ဂဟိတဂဗ္ဘာနိ ဟောန္တိ။ ပစ္စန္တိပီတိ တယော မာသေ ပတ္ဝာ ပစ္စန္တိ။ ဣဒာနိ ယသ္မာ ဗုဒ္ဓာနံ ဂဟပတိကေန ဝာ သသ္သေဟိ ဝာ အတ္ထော နတ္ထိ, သာသနေ ပန တပ္ပဋိရူပကံ ပုဂ္ဂလံ ဝာ အတ္ထံ ဝာ ဒသ္သေတုံ တံ တံ ဩပမ္မံ အာဟရန္တိ။ တသ္မာ ယမတ္ထံ ဒသ္သေတုကာမေန ဧတံ အာဘတံ, တံ ဒသ္သေန္တော ဧဝမေဝ ခောတိအာဒိမာဟ။ တံ အတ္ထတော ဥတ္တာနမေဝ။ သိက္ခာ ပန ဣဓာပိ မိသ္သိကာ ဧဝ ကထိတာ။
93. Pañcamassa paṭhame accāyikānīti atipātikāni. Karaṇīyānīti avassakiccāni. Yañhi na avassaṃ kātabbaṃ, taṃ kiccanti vuccati. Avassaṃ kātabbaṃ karaṇīyaṃ nāma. Sīghaṃ sīghanti vegena vegena. Tassa kho tanti ettha tanti nipātamattaṃ. Natthi sā iddhi vā ānubhāvo vāti sā vā iddhi so vā ānubhāvo natthi. Uttarasveti tatiyadivase. Utupariṇāminīti laddhautupariṇāmāni hutvā. Jāyantipīti tatiyadivase nikkhantasetaṅkurāni honti, sattāhe patte nīlaṅkurāni honti. Gabbhīnipi hontīti diyaḍḍhamāsaṃ patvā gahitagabbhāni honti. Paccantipīti tayo māse patvā paccanti. Idāni yasmā buddhānaṃ gahapatikena vā sassehi vā attho natthi, sāsane pana tappaṭirūpakaṃ puggalaṃ vā atthaṃ vā dassetuṃ taṃ taṃ opammaṃ āharanti. Tasmā yamatthaṃ dassetukāmena etaṃ ābhataṃ, taṃ dassento evameva khotiādimāha. Taṃ atthato uttānameva. Sikkhā pana idhāpi missikā eva kathitā.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / အင္ဂုတ္တရနိကာယ • Aṅguttaranikāya / ၁. အစ္စာယိကသုတ္တံ • 1. Accāyikasuttaṃ
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / အင္ဂုတ္တရနိကာယ (ဋီကာ) • Aṅguttaranikāya (ṭīkā) / ၁. အစ္စာယိကသုတ္တဝဏ္ဏနာ • 1. Accāyikasuttavaṇṇanā
