| Library / Tipiṭaka / තිපිටක • Tipiṭaka / අපදාන-අට්‌ඨකථා • Apadāna-aṭṭhakathā |
3. අඩ්‌ඪචෙළකත්‌ථෙරඅපදානවණ්‌ණනා
3. Aḍḍhaceḷakattheraapadānavaṇṇanā
තිස්‌සස්‌සාහං භගවතොතිආදිකං ආයස්‌මතො අඩ්‌ඪචෙළකත්‌ථෙරස්‌ස අපදානං. අයම්‌පි ථෙරො පුරිමබුද්‌ධෙසු කතාධිකාරො තත්‌ථ තත්‌ථ භවෙ විවට්‌ටූපනිස්‌සයානි පුඤ්‌ඤානි උපචිනන්‌තො තිස්‌සස්‌ස භගවතො කාලෙ එකෙනාකුසලෙන කම්‌මෙන දුග්‌ගතකුලගෙහෙ නිබ්‌බත්‌තො වුද්‌ධිමන්‌වාය සද්‌ධම්‌මදෙසනං ඤත්‌වා පසන්‌නමානසො චීවරත්‌ථාය අඩ්‌ඪභාගං එකං දුස්‌සමදාසි. සො තෙනෙව පීතිසොමනස්‌සෙන කාලං කත්‌වා සග්‌ගෙ නිබ්‌බත්‌තො ඡ කාමාවචරසම්‌පත්‌තිමනුභවිත්‌වා තතො චුතො මනුස්‌සෙසු මනුස්‌සසම්‌පත්‌තීනං අග්‌ගභූතං චක්‌කවත්‌තිසම්‌පත්‌තිං අනුභවිත්‌වා ඉමස්‌මිං බුද්‌ධුප්‌පාදෙ එකස්‌මිං අද්‌ධකුලෙ නිබ්‌බත්‌තො වුද්‌ධිප්‌පත්‌තො සත්‌ථු ධම්‌මදෙසනං සුත්‌වා පසන්‌නමානසො පබ්‌බජිත්‌වා නචිරස්‌සෙව අරහා අහොසි.
Tissassāhaṃbhagavatotiādikaṃ āyasmato aḍḍhaceḷakattherassa apadānaṃ. Ayampi thero purimabuddhesu katādhikāro tattha tattha bhave vivaṭṭūpanissayāni puññāni upacinanto tissassa bhagavato kāle ekenākusalena kammena duggatakulagehe nibbatto vuddhimanvāya saddhammadesanaṃ ñatvā pasannamānaso cīvaratthāya aḍḍhabhāgaṃ ekaṃ dussamadāsi. So teneva pītisomanassena kālaṃ katvā sagge nibbatto cha kāmāvacarasampattimanubhavitvā tato cuto manussesu manussasampattīnaṃ aggabhūtaṃ cakkavattisampattiṃ anubhavitvā imasmiṃ buddhuppāde ekasmiṃ addhakule nibbatto vuddhippatto satthu dhammadesanaṃ sutvā pasannamānaso pabbajitvā nacirasseva arahā ahosi.
14. සො අපරභාගෙ අත්‌තනො පුබ්‌බකම්‌මං සරිත්‌වා සොමනස්‌සජාතො පුබ්‌බචරිතාපදානං පකාසෙන්‌තො තිස්‌සස්‌සාහං භගවතොතිආදිමාහ. තං සබ්‌බං උත්‌තානත්‌ථමෙවාති.
14. So aparabhāge attano pubbakammaṃ saritvā somanassajāto pubbacaritāpadānaṃ pakāsento tissassāhaṃ bhagavatotiādimāha. Taṃ sabbaṃ uttānatthamevāti.
අඩ්‌ඪචෙළකත්‌ථෙරඅපදානවණ්‌ණනා සමත්‌තා.
Aḍḍhaceḷakattheraapadānavaṇṇanā samattā.
Related texts:
තිපිටක (මූල) • Tipiṭaka (Mūla) / සුත්‌තපිටක • Suttapiṭaka / ඛුද්‌දකනිකාය • Khuddakanikāya / අපදානපාළි • Apadānapāḷi / 3. අඩ්‌ඪචෙළකත්‌ථෙරඅපදානං • 3. Aḍḍhaceḷakattheraapadānaṃ
