| Library / Tipiṭaka / තිපිටක • Tipiṭaka / අඞ්‌ගුත්‌තරනිකාය (ටීකා) • Aṅguttaranikāya (ṭīkā) |
5. අධිගමසුත්‌තවණ්‌ණනා
5. Adhigamasuttavaṇṇanā
79. පඤ්‌චමෙ ආගච්‌ඡන්‌ති එතෙන කුසලා වා අකුසලා වාති ආගමනං, කුසලාකුසලානං උප්‌පත්‌තිකාරණං. තත්‌ථ කුසලොති ආගමනකුසලො. එවං ධම්‌මෙ මනසිකරොතො කුසලා වා අකුසලා වා ධම්‌මා අභිවඩ්‌ඪන්‌තීති එවං ජානන්‌තො. අපගච්‌ඡන්‌ති කුසලා වා අකුසලා වා එතෙනාති අපගමනං. තෙසං එව අනුප්‌පත්‌තිකාරණං, තත්‌ථ කුසලොති අපගමනකුසලො. එවං ධම්‌මෙ මනසිකරොතො කුසලා වා අකුසලා වා ධම්‌මා නාභිවඩ්‌ඪන්‌තීති එවං ජානන්‌තො. උපායකුසලොති ඨානුප්‌පත්‌තිකපඤ්‌ඤාසමන්‌නාගතො. ඉදඤ්‌ච අච්‌චායිකකිච්‌චෙ වා භයෙ වා උප්‌පන්‌නෙ තස්‌ස තිකිච්‌ඡනත්‌ථං ඨානුප්‌පත්‌තියා කාරණජානනවසෙන වෙදිතබ්‌බං.
79. Pañcame āgacchanti etena kusalā vā akusalā vāti āgamanaṃ, kusalākusalānaṃ uppattikāraṇaṃ. Tattha kusaloti āgamanakusalo. Evaṃ dhamme manasikaroto kusalā vā akusalā vā dhammā abhivaḍḍhantīti evaṃ jānanto. Apagacchanti kusalā vā akusalā vā etenāti apagamanaṃ. Tesaṃ eva anuppattikāraṇaṃ, tattha kusaloti apagamanakusalo. Evaṃ dhamme manasikaroto kusalā vā akusalā vā dhammā nābhivaḍḍhantīti evaṃ jānanto. Upāyakusaloti ṭhānuppattikapaññāsamannāgato. Idañca accāyikakicce vā bhaye vā uppanne tassa tikicchanatthaṃ ṭhānuppattiyā kāraṇajānanavasena veditabbaṃ.
අධිගමසුත්‌තවණ්‌ණනා නිට්‌ඨිතා.
Adhigamasuttavaṇṇanā niṭṭhitā.
Related texts:
තිපිටක (මූල) • Tipiṭaka (Mūla) / සුත්‌තපිටක • Suttapiṭaka / අඞ්‌ගුත්‌තරනිකාය • Aṅguttaranikāya / 5. අධිගමසුත්‌තං • 5. Adhigamasuttaṃ
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / අඞ්‌ගුත්‌තරනිකාය (අට්‌ඨකථා) • Aṅguttaranikāya (aṭṭhakathā) / 5. අධිගමසුත්‌තවණ්‌ණනා • 5. Adhigamasuttavaṇṇanā
