| Library / Tipiṭaka / တိပိဋက • Tipiṭaka / အင္ဂုတ္တရနိကာယ • Aṅguttaranikāya |
၁၀. အဓိကရဏသမထသုတ္တံ
10. Adhikaraṇasamathasuttaṃ
၈၄. ‘‘သတ္တိမေ , ဘိက္ခဝေ, အဓိကရဏသမထာ ဓမ္မာ ဥပ္ပန္နုပ္ပန္နာနံ အဓိကရဏာနံ သမထာယ ဝူပသမာယ။ ကတမေ သတ္တ? သမ္မုခာဝိနယော ဒာတဗ္ဗော , သတိဝိနယော ဒာတဗ္ဗော, အမူဠ္ဟဝိနယော ဒာတဗ္ဗော 1, ပဋိညာတကရဏံ ဒာတဗ္ဗံ, ယေဘုယ္ယသိကာ ဒာတဗ္ဗာ, တသ္သပာပိယသိကာ ဒာတဗ္ဗာ, တိဏဝတ္ထာရကော ဒာတဗ္ဗော 2။ ဣမေ ခော, ဘိက္ခဝေ, သတ္တ အဓိကရဏသမထာ ဓမ္မာ ဥပ္ပန္နုပ္ပန္နာနံ အဓိကရဏာနံ သမထာယ ဝူပသမာယာ’’တိ။ ဒသမံ။
84. ‘‘Sattime , bhikkhave, adhikaraṇasamathā dhammā uppannuppannānaṃ adhikaraṇānaṃ samathāya vūpasamāya. Katame satta? Sammukhāvinayo dātabbo , sativinayo dātabbo, amūḷhavinayo dātabbo 3, paṭiññātakaraṇaṃ dātabbaṃ, yebhuyyasikā dātabbā, tassapāpiyasikā dātabbā, tiṇavatthārako dātabbo 4. Ime kho, bhikkhave, satta adhikaraṇasamathā dhammā uppannuppannānaṃ adhikaraṇānaṃ samathāya vūpasamāyā’’ti. Dasamaṃ.
ဝိနယဝဂ္ဂော အဋ္ဌမော။
Vinayavaggo aṭṭhamo.
တသ္သုဒ္ဒာနံ –
Tassuddānaṃ –
စတုရော ဝိနယဓရာ၊ စတုရော စေဝ သောဘနာ။
Caturo vinayadharā, caturo ceva sobhanā;
သာသနံ အဓိကရဏ-သမထေနဋ္ဌမေ ဒသာတိ။
Sāsanaṃ adhikaraṇa-samathenaṭṭhame dasāti.
Footnotes:
Related texts:
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / အင္ဂုတ္တရနိကာယ (အဋ္ဌကထာ) • Aṅguttaranikāya (aṭṭhakathā) / ၁၀. အဓိကရဏသမထသုတ္တဝဏ္ဏနာ • 10. Adhikaraṇasamathasuttavaṇṇanā
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / အင္ဂုတ္တရနိကာယ (ဋီကာ) • Aṅguttaranikāya (ṭīkā) / ၁၀. အဓိကရဏသမထသုတ္တဝဏ္ဏနာ • 10. Adhikaraṇasamathasuttavaṇṇanā
