| Library / Tipiṭaka / තිපිටක • Tipiṭaka / කඞ්‌ඛාවිතරණී-අභිනව-ටීකා • Kaṅkhāvitaraṇī-abhinava-ṭīkā |
2. අකාලචීවරසික්‌ඛාපදවණ්‌ණනා
2. Akālacīvarasikkhāpadavaṇṇanā
යං අත්‌තනා ලද්‌ධං, තං නිස්‌සග්‌ගියං හොතීති යං චීවරං භාජාපිතාය අත්‌තනා ලද්‌ධං, තමෙව නිස්‌සග්‌ගියං හොති, තං විනයකම්‌මං කත්‌වාපි අත්‌තනා න ලබ්‌භති. තෙනාහ ‘‘නිස්‌සට්‌ඨ’’න්‌තිආදි. තත්‌ථ නිස්‌සට්‌ඨං පටිලභිත්‌වාපීති ‘‘අය්‍යාය, දම්‌මී’’ති එවං නිස්‌සට්‌ඨං පටිලභිත්‌වාපි. යථාදානෙයෙව උපනෙතබ්‌බන්‌ති යථා දායකෙහි දින්‌නං, තථෙව උපනෙතබ්‌බං, අකාලචීවරපක්‌ඛෙයෙව ඨපෙතබ්‌බන්‌ති වුත්‌තං හොති.
Yaṃ attanā laddhaṃ, taṃ nissaggiyaṃ hotīti yaṃ cīvaraṃ bhājāpitāya attanā laddhaṃ, tameva nissaggiyaṃ hoti, taṃ vinayakammaṃ katvāpi attanā na labbhati. Tenāha ‘‘nissaṭṭha’’ntiādi. Tattha nissaṭṭhaṃ paṭilabhitvāpīti ‘‘ayyāya, dammī’’ti evaṃ nissaṭṭhaṃ paṭilabhitvāpi. Yathādāneyeva upanetabbanti yathā dāyakehi dinnaṃ, tatheva upanetabbaṃ, akālacīvarapakkheyeva ṭhapetabbanti vuttaṃ hoti.
අකාලචීවරසික්‌ඛාපදවණ්‌ණනා නිට්‌ඨිතා.
Akālacīvarasikkhāpadavaṇṇanā niṭṭhitā.
