| Library / Tipiṭaka / තිපිටක • Tipiṭaka / විමතිවිනොදනී-ටීකා • Vimativinodanī-ṭīkā |
අනාපත්‌තිභෙදවණ්‌ණනා
Anāpattibhedavaṇṇanā
131. තස්‌මිංයෙව අත්‌තභාවෙ නිබ්‌බත්‌තාති තස්‌මිංයෙව මතසරීරෙ පෙතත්‌තභාවෙන නිබ්‌බත්‌තා. රුක්‌ඛාදීසු ලග්‌ගිතසාටකෙ වත්‌තබ්‌බමෙව නත්‌ථීති මනුස්‌සෙහි අගොපිතං සන්‌ධාය වුත්‌තං, සචෙ පනෙතං දෙවාලයචෙතියරුක්‌ඛාදීසු නියුත්‌තෙහි පුරිසෙහි රක්‌ඛිතගොපිතං හොති, ගහෙතුං න වට්‌ටති. ථොකෙ ඛායිතෙ…පෙ.… ගහෙතුං වට්‌ටතීති ඉදං අදින්‌නාදානාභාවං සන්‌ධාය වුත්‌තං. ජිඝච්‌ඡිතපාණිනා ඛාදියමානමංසස්‌ස අච්‌ඡින්‌දිත්‌වා ඛාදනං නාම කාරුඤ්‌ඤහානිතො ලොලභාවතො ච අසාරුප්‌පමෙව. තෙනෙව හි අරියවංසිකා අත්‌තනො පත්‌තෙ භත්‌තං ඛාදන්‌තම්‌පි සුනඛාදිං තජ්‌ජෙත්‌වා න වාරෙන්‌ති, තිරච්‌ඡානානං ආමිසදානෙ කුසලං විය තෙසං ආමිසස්‌ස අච්‌ඡින්‌දනෙපි අකුසලමෙවාති ගහෙතබ්‌බං, තෙනෙව වක්‌ඛති ‘‘පරානුද්‌දයතාය ච න ගහෙතබ්‌බ’’න්‌ති (පාරා. අට්‌ඨ. 1.140).
131.Tasmiṃyevaattabhāve nibbattāti tasmiṃyeva matasarīre petattabhāvena nibbattā. Rukkhādīsu laggitasāṭake vattabbameva natthīti manussehi agopitaṃ sandhāya vuttaṃ, sace panetaṃ devālayacetiyarukkhādīsu niyuttehi purisehi rakkhitagopitaṃ hoti, gahetuṃ na vaṭṭati. Thoke khāyite…pe… gahetuṃ vaṭṭatīti idaṃ adinnādānābhāvaṃ sandhāya vuttaṃ. Jighacchitapāṇinā khādiyamānamaṃsassa acchinditvā khādanaṃ nāma kāruññahānito lolabhāvato ca asāruppameva. Teneva hi ariyavaṃsikā attano patte bhattaṃ khādantampi sunakhādiṃ tajjetvā na vārenti, tiracchānānaṃ āmisadāne kusalaṃ viya tesaṃ āmisassa acchindanepi akusalamevāti gahetabbaṃ, teneva vakkhati ‘‘parānuddayatāya ca na gahetabba’’nti (pārā. aṭṭha. 1.140).
Related texts:
තිපිටක (මූල) • Tipiṭaka (Mūla) / විනයපිටක • Vinayapiṭaka / මහාවිභඞ්‌ග • Mahāvibhaṅga / 2. දුතියපාරාජිකං • 2. Dutiyapārājikaṃ
අට්‌ඨකථා • Aṭṭhakathā / විනයපිටක (අට්‌ඨකථා) • Vinayapiṭaka (aṭṭhakathā) / මහාවිභඞ්‌ග-අට්‌ඨකථා • Mahāvibhaṅga-aṭṭhakathā / 2. දුතියපාරාජිකං • 2. Dutiyapārājikaṃ
ටීකා • Tīkā / විනයපිටක (ටීකා) • Vinayapiṭaka (ṭīkā) / සාරත්‌ථදීපනී-ටීකා • Sāratthadīpanī-ṭīkā / අනාපත්‌තිභෙදවණ්‌ණනා • Anāpattibhedavaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / වජිරබුද්‌ධි-ටීකා • Vajirabuddhi-ṭīkā / අනාපත්‌තිභෙදවණ්‌ණනා • Anāpattibhedavaṇṇanā
