| Library / Tipiṭaka / තිපිටක • Tipiṭaka / පඤ්‌චපකරණ-අනුටීකා • Pañcapakaraṇa-anuṭīkā |
10. අනිච්‌චතාකථාවණ්‌ණනා
10. Aniccatākathāvaṇṇanā
628. රූපාදීනං අනිච්‌චතා රූපාදිකෙ සති හොති, අසති න හොතීති ඉමිනා පරියායෙන තස්‌සා තෙහි සහ උප්‌පාදනිරොධො වුත්‌තො, උප්‌පාදාදීසු තීසු ලක්‌ඛණෙසු අනිච්‌චතාවොහාරො හොතීති යථා තයො දණ්‌ඩෙ උපාදාය පවත්‌තො තිදණ්‌ඩවොහාරො තෙසු සබ්‌බෙසු හොති, එවං ජාතිජරාමරණධම්‌මො න නිච්‌චො අනිච්‌චො, තස්‌ස ජාතිආදිපකතිතා අනිච්‌චතාසද්‌දෙන වුච්‌චතීති උප්‌පාදාදීසු ලක්‌ඛණෙසු අනිච්‌චතාවොහාරො සම්‌භවතීති වුත්‌තං ‘‘තීසු…පෙ.… හොතී’’ති. විභාගානුයුඤ්‌ජනවසෙනාති පභෙදානුයුඤ්‌ජනවසෙන. තත්‌ථ යථා ජරාභඞ්‌ගවසෙන අනිච්‌චතා පාකටා හොති, න තථා ජාතිවසෙනාති පාළියං ජරාමරණවසෙනෙව අනිච්‌චතාවිභාගො දස්‌සිතොති දට්‌ඨබ්‌බං.
628. Rūpādīnaṃ aniccatā rūpādike sati hoti, asati na hotīti iminā pariyāyena tassā tehi saha uppādanirodho vutto, uppādādīsu tīsu lakkhaṇesu aniccatāvohāro hotīti yathā tayo daṇḍe upādāya pavatto tidaṇḍavohāro tesu sabbesu hoti, evaṃ jātijarāmaraṇadhammo na nicco anicco, tassa jātiādipakatitā aniccatāsaddena vuccatīti uppādādīsu lakkhaṇesu aniccatāvohāro sambhavatīti vuttaṃ ‘‘tīsu…pe… hotī’’ti. Vibhāgānuyuñjanavasenāti pabhedānuyuñjanavasena. Tattha yathā jarābhaṅgavasena aniccatā pākaṭā hoti, na tathā jātivasenāti pāḷiyaṃ jarāmaraṇavaseneva aniccatāvibhāgo dassitoti daṭṭhabbaṃ.
අනිච්‌චතාකථාවණ්‌ණනා නිට්‌ඨිතා.
Aniccatākathāvaṇṇanā niṭṭhitā.
එකාදසමවග්‌ගවණ්‌ණනා නිට්‌ඨිතා.
Ekādasamavaggavaṇṇanā niṭṭhitā.
Related texts:
තිපිටක (මූල) • Tipiṭaka (Mūla) / අභිධම්‌මපිටක • Abhidhammapiṭaka / කථාවත්‌ථුපාළි • Kathāvatthupāḷi / (115) 10. අනිච්‌චතාකථා • (115) 10. Aniccatākathā
අට්‌ඨකථා • Aṭṭhakathā / අභිධම්‌මපිටක (අට්‌ඨකථා) • Abhidhammapiṭaka (aṭṭhakathā) / පඤ්‌චපකරණ-අට්‌ඨකථා • Pañcapakaraṇa-aṭṭhakathā / 10. අනිච්‌චතාකථාවණ්‌ණනා • 10. Aniccatākathāvaṇṇanā
ටීකා • Tīkā / අභිධම්‌මපිටක (ටීකා) • Abhidhammapiṭaka (ṭīkā) / පඤ්‌චපකරණ-මූලටීකා • Pañcapakaraṇa-mūlaṭīkā / 10. අනිච්‌චතාකථාවණ්‌ණනා • 10. Aniccatākathāvaṇṇanā
