| Library / Tipiṭaka / තිපිටක • Tipiṭaka / සංයුත්‌තනිකාය (ටීකා) • Saṃyuttanikāya (ṭīkā) |
7-10. අනුධම්‌මසුත්‌තාදිවණ්‌ණනා
7-10. Anudhammasuttādivaṇṇanā
39-42. අපායදුක්‌ඛෙ සකලසංසාරදුක්‌ඛෙ ච පතිතුං අදත්‌වා ධාරණට්‌ඨෙන ධම්‌මො, මග්‌ගඵලනිබ්‌බානානි. තදනුලොමිකා චස්‌ස පුබ්‌බභාගපටිපදාති ආහ ‘‘ධම්‌මානුධම්‌මපටිපන්‌නස්‌සා’’තිආදි. ‘‘නිබ්‌බිදාබහුලො’’ති අට්‌ඨකථායං පදුද්‌ධාරො කතො, පාළියං පන ‘‘නිබ්‌බිදාබහුලං විහරෙය්‍යා’’ති ආගතං. උක්‌කණ්‌ඨනබහුලොති සබ්‌බභවෙසු උක්‌කණ්‌ඨනබහුලො. තීහි පරිඤ්‌ඤාහීති ඤාතතීරණප්‌පහානපරිඤ්‌ඤාහි. පරිජානාතීති තෙභූමකධම්‌මෙ පරිච්‌ඡිජ්‌ජ ජානාති, විපස්‌සනං උස්‌සුක්‌කාපෙති. පරිමුච්‌චති සබ්‌බසංකිලෙසතො ‘‘මග්‌ගො පවත්‌තිතො පරිමුච්‌චතී’’ති වුත්‌තත්‌තා. තථාති ඉමිනා ඉතො පරෙසු තීසු මග්‌ගො හොතීති දස්‌සෙති. ඉධාති ඉමස්‌මිං සුත්‌තෙ. අනියමිතාති අග්‌ගහිතා. තෙසු නියමිතා ‘‘අනිච්‌චානුපස්‌සී’’තිආදිවචනතො. සාති අනුපස්‌සනා. තත්‌ථ නියමිතවසෙනෙවාති ඉදං ලක්‌ඛණවචනං යථා ‘‘යදි මෙ බ්‍යාධයො භවෙය්‍යුං , දාතබ්‌බමිදමොසධ’’න්‌ති. න හි සක්‌කා එතිස්‌සා එව අනුපස්‌සනාය වසෙන සම්‌මසනාචාරං මත්‌ථකං පාපෙතුන්‌ති.
39-42. Apāyadukkhe sakalasaṃsāradukkhe ca patituṃ adatvā dhāraṇaṭṭhena dhammo, maggaphalanibbānāni. Tadanulomikā cassa pubbabhāgapaṭipadāti āha ‘‘dhammānudhammapaṭipannassā’’tiādi. ‘‘Nibbidābahulo’’ti aṭṭhakathāyaṃ paduddhāro kato, pāḷiyaṃ pana ‘‘nibbidābahulaṃ vihareyyā’’ti āgataṃ. Ukkaṇṭhanabahuloti sabbabhavesu ukkaṇṭhanabahulo. Tīhi pariññāhīti ñātatīraṇappahānapariññāhi. Parijānātīti tebhūmakadhamme paricchijja jānāti, vipassanaṃ ussukkāpeti. Parimuccati sabbasaṃkilesato ‘‘maggo pavattito parimuccatī’’ti vuttattā. Tathāti iminā ito paresu tīsu maggo hotīti dasseti. Idhāti imasmiṃ sutte. Aniyamitāti aggahitā. Tesu niyamitā ‘‘aniccānupassī’’tiādivacanato. Sāti anupassanā. Tattha niyamitavasenevāti idaṃ lakkhaṇavacanaṃ yathā ‘‘yadi me byādhayo bhaveyyuṃ , dātabbamidamosadha’’nti. Na hi sakkā etissā eva anupassanāya vasena sammasanācāraṃ matthakaṃ pāpetunti.
අනුධම්‌මසුත්‌තාදිවණ්‌ණනා නිට්‌ඨිතා.
Anudhammasuttādivaṇṇanā niṭṭhitā.
නතුම්‌හාකංවග්‌ගවණ්‌ණනා නිට්‌ඨිතා.
Natumhākaṃvaggavaṇṇanā niṭṭhitā.
Related texts:
තිපිටක (මූල) • Tipiṭaka (Mūla) / සුත්‌තපිටක • Suttapiṭaka / සංයුත්‌තනිකාය • Saṃyuttanikāya
7. අනුධම්‌මසුත්‌තං • 7. Anudhammasuttaṃ
8. දුතියඅනුධම්‌මසුත්‌තං • 8. Dutiyaanudhammasuttaṃ
9. තතියඅනුධම්‌මසුත්‌තං • 9. Tatiyaanudhammasuttaṃ
10. චතුත්‌ථඅනුධම්‌මසුත්‌තං • 10. Catutthaanudhammasuttaṃ
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / සංයුත්‌තනිකාය (අට්‌ඨකථා) • Saṃyuttanikāya (aṭṭhakathā) / 7-10. අනුධම්‌මසුත්‌තාදිවණ්‌ණනා • 7-10. Anudhammasuttādivaṇṇanā
