| Library / Tipiṭaka / တိပိဋက • Tipiṭaka / သံယုတ္တနိကာယ • Saṃyuttanikāya |
၇. အနုဓမ္မသုတ္တံ
7. Anudhammasuttaṃ
၃၉. သာဝတ္ထိနိဒာနံ ။ ‘‘ဓမ္မာနုဓမ္မပ္ပဋိပန္နသ္သ, ဘိက္ခဝေ, ဘိက္ခုနော အယမနုဓမ္မော ဟောတိ ယံ ရူပေ နိဗ္ဗိဒာဗဟုလော 1 ဝိဟရေယ္ယ, ဝေဒနာယ နိဗ္ဗိဒာဗဟုလော ဝိဟရေယ္ယ, သညာ နိဗ္ဗိဒာဗဟုလော ဝိဟရေယ္ယ, သင္ခာရေသု နိဗ္ဗိဒာဗဟုလော ဝိဟရေယ္ယ, ဝိညာဏေ နိဗ္ဗိဒာဗဟုလော ဝိဟရေယ္ယ။ ယော ရူပေ နိဗ္ဗိဒာဗဟုလော ဝိဟရန္တော, ဝေဒနာယ။ သညာယ။ သင္ခာရေသု နိဗ္ဗိဒာဗဟုလော ဝိဟရန္တော, ဝိညာဏေ နိဗ္ဗိဒာဗဟုလော ဝိဟရန္တော ရူပံ ပရိဇာနာတိ, ဝေဒနံ။ သညံ။ သင္ခာရေ။ ဝိညာဏံ ပရိဇာနာတိ, သော ရူပံ ပရိဇာနံ, ဝေဒနံ။ သညံ။ သင္ခာရေ။ ဝိညာဏံ ပရိဇာနံ ပရိမုစ္စတိ ရူပမ္ဟာ, ပရိမုစ္စတိ ဝေဒနာ , ပရိမုစ္စတိ သညာယ , ပရိမုစ္စတိ သင္ခာရေဟိ, ပရိမုစ္စတိ ဝိညာဏမ္ဟာ, ပရိမုစ္စတိ ဇာတိယာ ဇရာမရဏေန သောကေဟိ ပရိဒေဝေဟိ ဒုက္ခေဟိ ဒောမနသ္သေဟိ ဥပာယာသေဟိ, ပရိမုစ္စတိ ဒုက္ခသ္မာတိ ဝဒာမီ’’တိ။ သတ္တမံ။
39. Sāvatthinidānaṃ . ‘‘Dhammānudhammappaṭipannassa, bhikkhave, bhikkhuno ayamanudhammo hoti yaṃ rūpe nibbidābahulo 2 vihareyya, vedanāya nibbidābahulo vihareyya, saññā nibbidābahulo vihareyya, saṅkhāresu nibbidābahulo vihareyya, viññāṇe nibbidābahulo vihareyya. Yo rūpe nibbidābahulo viharanto, vedanāya… saññāya… saṅkhāresu nibbidābahulo viharanto, viññāṇe nibbidābahulo viharanto rūpaṃ parijānāti, vedanaṃ… saññaṃ… saṅkhāre… viññāṇaṃ parijānāti, so rūpaṃ parijānaṃ, vedanaṃ… saññaṃ… saṅkhāre… viññāṇaṃ parijānaṃ parimuccati rūpamhā, parimuccati vedanā , parimuccati saññāya , parimuccati saṅkhārehi, parimuccati viññāṇamhā, parimuccati jātiyā jarāmaraṇena sokehi paridevehi dukkhehi domanassehi upāyāsehi, parimuccati dukkhasmāti vadāmī’’ti. Sattamaṃ.
Footnotes:
Related texts:
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) / ၇-၁၀. အနုဓမ္မသုတ္တာဒိဝဏ္ဏနာ • 7-10. Anudhammasuttādivaṇṇanā
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / သံယုတ္တနိကာယ (ဋီကာ) • Saṃyuttanikāya (ṭīkā) / ၇-၁၀. အနုဓမ္မသုတ္တာဒိဝဏ္ဏနာ • 7-10. Anudhammasuttādivaṇṇanā
