| Library / Tipiṭaka / တိပိဋက • Tipiṭaka / အင္ဂုတ္တရနိကာယ • Aṅguttaranikāya |
၁၁. အနုပုဗ္ဗနိရောဓသုတ္တံ
11. Anupubbanirodhasuttaṃ
၃၁. ‘‘နဝယိမေ, ဘိက္ခဝေ, အနုပုဗ္ဗနိရောဓာ။ ကတမေ နဝ? ပဌမံ ဈာနံ သမာပန္နသ္သ ကာမသညာ 1 နိရုဒ္ဓာ ဟောတိ; ဒုတိယံ ဈာနံ သမာပန္နသ္သ ဝိတက္ကဝိစာရာ နိရုဒ္ဓာ ဟောန္တိ; တတိယံ ဈာနံ သမာပန္နသ္သ ပီတိ နိရုဒ္ဓာ ဟောတိ; စတုတ္ထံ ဈာနံ သမာပန္နသ္သ အသ္သာသပသ္သာသာ နိရုဒ္ဓာ ဟောန္တိ; အာကာသာနဉ္စာယတနံ သမာပန္နသ္သ ရူပသညာ နိရုဒ္ဓာ ဟောတိ; ဝိညာဏဉ္စာယတနံ သမာပန္နသ္သ အာကာသာနဉ္စာယတနသညာ နိရုဒ္ဓာ ဟောတိ; အာကိဉ္စညာယတနံ သမာပန္နသ္သ ဝိညာဏဉ္စာယတနသညာ နိရုဒ္ဓာ ဟောတိ ; နေဝသညာနာသညာယတနံ သမာပန္နသ္သ အာကိဉ္စညာယတနသညာ နိရုဒ္ဓာ ဟောတိ; သညာဝေဒယိတနိရောဓံ သမာပန္နသ္သ သညာ စ ဝေဒနာ စ နိရုဒ္ဓာ ဟောန္တိ။ ဣမေ ခော, ဘိက္ခဝေ, နဝ အနုပုဗ္ဗနိရောဓာ’’တိ 2။ ဧကာဒသမံ။
31. ‘‘Navayime, bhikkhave, anupubbanirodhā. Katame nava? Paṭhamaṃ jhānaṃ samāpannassa kāmasaññā 3 niruddhā hoti; dutiyaṃ jhānaṃ samāpannassa vitakkavicārā niruddhā honti; tatiyaṃ jhānaṃ samāpannassa pīti niruddhā hoti; catutthaṃ jhānaṃ samāpannassa assāsapassāsā niruddhā honti; ākāsānañcāyatanaṃ samāpannassa rūpasaññā niruddhā hoti; viññāṇañcāyatanaṃ samāpannassa ākāsānañcāyatanasaññā niruddhā hoti; ākiñcaññāyatanaṃ samāpannassa viññāṇañcāyatanasaññā niruddhā hoti ; nevasaññānāsaññāyatanaṃ samāpannassa ākiñcaññāyatanasaññā niruddhā hoti; saññāvedayitanirodhaṃ samāpannassa saññā ca vedanā ca niruddhā honti. Ime kho, bhikkhave, nava anupubbanirodhā’’ti 4. Ekādasamaṃ.
သတ္တာဝာသဝဂ္ဂော တတိယော။
Sattāvāsavaggo tatiyo.
တသ္သုဒ္ဒာနံ –
Tassuddānaṃ –
တိဌာနံ ခဠုင္ကော တဏ္ဟာ၊ သတ္တပညာ သိလာယုပော။
Tiṭhānaṃ khaḷuṅko taṇhā, sattapaññā silāyupo;
ဒ္ဝေ ဝေရာ ဒ္ဝေ အာဃာတာနိ၊ အနုပုဗ္ဗနိရောဓေန စာတိ။
Dve verā dve āghātāni, anupubbanirodhena cāti.
Footnotes:
Related texts:
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / အင္ဂုတ္တရနိကာယ (အဋ္ဌကထာ) • Aṅguttaranikāya (aṭṭhakathā) / ၁၀-၁၁. အာဃာတပဋိဝိနယသုတ္တာဒိဝဏ္ဏနာ • 10-11. Āghātapaṭivinayasuttādivaṇṇanā
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / အင္ဂုတ္တရနိကာယ (ဋီကာ) • Aṅguttaranikāya (ṭīkā) / ၁၁. အနုပုဗ္ဗနိရောဓသုတ္တဝဏ္ဏနာ • 11. Anupubbanirodhasuttavaṇṇanā
