| Library / Tipiṭaka / තිපිටක • Tipiṭaka / සංයුත්‌තනිකාය (අට්‌ඨකථා) • Saṃyuttanikāya (aṭṭhakathā) |
11. අරණසුත්‌තවණ්‌ණනා
11. Araṇasuttavaṇṇanā
81. එකාදසමෙ අරණාති නික්‌කිලෙසා. වුසිතන්‌ති වුසිතවාසො. භොජිස්‌සියන්‌ති අදාසභාවො. සමණාති ඛීණාසවසමණා. තෙ හි එකන්‌තෙන අරණා නාම. වුසිතං න නස්‌සතීති තෙසං අරියමග්‌ගවාසො න නස්‌සති. පරිජානන්‌තීති පුථුජ්‌ජනකල්‍යාණකතො පට්‌ඨාය සෙඛා ලොකියලොකුත්‌තරාය පරිඤ්‌ඤාය පරිජානන්‌ති. භොජිස්‌සියන්‌ති ඛීණාසවසමණානංයෙව නිච්‌චං භුජිස්‌සභාවො නාම. වන්‌දන්‌තීති පබ්‌බජිතදිවසතො පට්‌ඨාය වන්‌දන්‌ති. පතිට්‌ඨිතන්‌ති සීලෙ පතිට්‌ඨිතං . සමණීධාති සමණං ඉධ. ජාතිහීනන්‌ති අපි චණ්‌ඩාලකුලා පබ්‌බජිතං. ඛත්‌තියාති න කෙවලං ඛත්‌තියාව, දෙවාපි සීලසම්‌පන්‌නං සමණං වන්‌දන්‌තියෙවාති. එකාදසමං.
81. Ekādasame araṇāti nikkilesā. Vusitanti vusitavāso. Bhojissiyanti adāsabhāvo. Samaṇāti khīṇāsavasamaṇā. Te hi ekantena araṇā nāma. Vusitaṃ na nassatīti tesaṃ ariyamaggavāso na nassati. Parijānantīti puthujjanakalyāṇakato paṭṭhāya sekhā lokiyalokuttarāya pariññāya parijānanti. Bhojissiyanti khīṇāsavasamaṇānaṃyeva niccaṃ bhujissabhāvo nāma. Vandantīti pabbajitadivasato paṭṭhāya vandanti. Patiṭṭhitanti sīle patiṭṭhitaṃ . Samaṇīdhāti samaṇaṃ idha. Jātihīnanti api caṇḍālakulā pabbajitaṃ. Khattiyāti na kevalaṃ khattiyāva, devāpi sīlasampannaṃ samaṇaṃ vandantiyevāti. Ekādasamaṃ.
ඡෙත්‌වාවග්‌ගො අට්‌ඨමො.
Chetvāvaggo aṭṭhamo.
ඉති සාරත්‌ථප්‌පකාසිනියා
Iti sāratthappakāsiniyā
සංයුත්‌තනිකාය-අට්‌ඨකථාය
Saṃyuttanikāya-aṭṭhakathāya
දෙවතාසංයුත්‌තවණ්‌ණනා නිට්‌ඨිතා.
Devatāsaṃyuttavaṇṇanā niṭṭhitā.
Related texts:
තිපිටක (මූල) • Tipiṭaka (Mūla) / සුත්‌තපිටක • Suttapiṭaka / සංයුත්‌තනිකාය • Saṃyuttanikāya / 11. අරණසුත්‌තං • 11. Araṇasuttaṃ
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / සංයුත්‌තනිකාය (ටීකා) • Saṃyuttanikāya (ṭīkā) / 11. අරණසුත්‌තවණ්‌ණනා • 11. Araṇasuttavaṇṇanā
