| Library / Tipiṭaka / తిపిటక • Tipiṭaka / అఙ్గుత్తరనికాయ • Aṅguttaranikāya |
౯. అరఞ్ఞసుత్తం
9. Araññasuttaṃ
౨౬౨. ‘‘చతూహి , భిక్ఖవే, ధమ్మేహి సమన్నాగతో భిక్ఖు నాలం అరఞ్ఞవనప్పత్థాని పన్తాని సేనాసనాని పటిసేవితుం. కతమేహి చతూహి? కామవితక్కేన, బ్యాపాదవితక్కేన, విహింసావితక్కేన, దుప్పఞ్ఞో హోతి జళో ఏలమూగో – ఇమేహి ఖో, భిక్ఖవే, చతూహి ధమ్మేహి సమన్నాగతో భిక్ఖు నాలం అరఞ్ఞవనప్పత్థాని పన్తాని సేనాసనాని పటిసేవితుం.
262. ‘‘Catūhi , bhikkhave, dhammehi samannāgato bhikkhu nālaṃ araññavanappatthāni pantāni senāsanāni paṭisevituṃ. Katamehi catūhi? Kāmavitakkena, byāpādavitakkena, vihiṃsāvitakkena, duppañño hoti jaḷo elamūgo – imehi kho, bhikkhave, catūhi dhammehi samannāgato bhikkhu nālaṃ araññavanappatthāni pantāni senāsanāni paṭisevituṃ.
‘‘చతూహి, భిక్ఖవే, ధమ్మేహి సమన్నాగతో భిక్ఖు అలం అరఞ్ఞవనప్పత్థాని పన్తాని సేనాసనాని పటిసేవితుం. కతమేహి చతూహి? నేక్ఖమ్మవితక్కేన, అబ్యాపాదవితక్కేన, అవిహింసావితక్కేన , పఞ్ఞవా హోతి అజళో అనేలమూగో – ఇమేహి ఖో, భిక్ఖవే, చతూహి ధమ్మేహి సమన్నాగతో భిక్ఖు అలం అరఞ్ఞవనప్పత్థాని పన్తాని సేనాసనాని పటిసేవితు’’న్తి. నవమం.
‘‘Catūhi, bhikkhave, dhammehi samannāgato bhikkhu alaṃ araññavanappatthāni pantāni senāsanāni paṭisevituṃ. Katamehi catūhi? Nekkhammavitakkena, abyāpādavitakkena, avihiṃsāvitakkena , paññavā hoti ajaḷo anelamūgo – imehi kho, bhikkhave, catūhi dhammehi samannāgato bhikkhu alaṃ araññavanappatthāni pantāni senāsanāni paṭisevitu’’nti. Navamaṃ.
Related texts:
అట్ఠకథా • Aṭṭhakathā / సుత్తపిటక (అట్ఠకథా) • Suttapiṭaka (aṭṭhakathā) / అఙ్గుత్తరనికాయ (అట్ఠకథా) • Aṅguttaranikāya (aṭṭhakathā) / ౫-౧౦. కులసుత్తాదివణ్ణనా • 5-10. Kulasuttādivaṇṇanā
టీకా • Tīkā / సుత్తపిటక (టీకా) • Suttapiṭaka (ṭīkā) / అఙ్గుత్తరనికాయ (టీకా) • Aṅguttaranikāya (ṭīkā) / ౪-౧౦. మాలుక్యపుత్తసుత్తాదివణ్ణనా • 4-10. Mālukyaputtasuttādivaṇṇanā
