| Library / Tipiṭaka / තිපිටක • Tipiṭaka / අඞ්‌ගුත්‌තරනිකාය (ටීකා) • Aṅguttaranikāya (ṭīkā) |
(19) 4. අරඤ්‌ඤවග්‌ගො
(19) 4. Araññavaggo
1. ආරඤ්‌ඤිකසුත්‌තවණ්‌ණනා
1. Āraññikasuttavaṇṇanā
181. චතුත්‌ථස්‌ස පඨමෙ අප්‌පීච්‌ඡතංයෙව නිස්‌සායාතිආදීසු ‘‘ඉති අප්‌පිච්‌ඡො භවිස්‌සාමී’’ති ඉදං මෙ ආරඤ්‌ඤිකඞ්‌ගං අප්‌පිච්‌ඡතාය සංවත්‌තිස්‌සති, ‘‘ඉති සන්‌තුට්‌ඨො භවිස්‌සාමී’’ති ඉදං මෙ ආරඤ්‌ඤිකඞ්‌ගං සන්‌තුට්‌ඨියා සංවත්‌තිස්‌සති, ‘‘ඉති කිලෙසෙ සල්‌ලිඛිස්‌සාමී’’ති ඉදං මෙ ආරඤ්‌ඤිකඞ්‌ගං කිලෙසසල්‌ලිඛනත්‌ථාය සංවත්‌තිස්‌සතීති ආරඤ්‌ඤිකො හොති. අග්‌ගොති ජෙට්‌ඨකො. සෙසානි තස්‌සෙව වෙවචනානි.
181. Catutthassa paṭhame appīcchataṃyeva nissāyātiādīsu ‘‘iti appiccho bhavissāmī’’ti idaṃ me āraññikaṅgaṃ appicchatāya saṃvattissati, ‘‘iti santuṭṭho bhavissāmī’’ti idaṃ me āraññikaṅgaṃ santuṭṭhiyā saṃvattissati, ‘‘iti kilese sallikhissāmī’’ti idaṃ me āraññikaṅgaṃ kilesasallikhanatthāya saṃvattissatīti āraññiko hoti. Aggoti jeṭṭhako. Sesāni tasseva vevacanāni.
ගවා ඛීරන්‌ති ගාවිතො ඛීරං නාම හොති, න ගාවියා දධි. ඛීරම්‌හා දධීතිආදීසුපි එසෙව නයො. එවමෙවන්‌ති යථා එතෙසු පඤ්‌චසු ගොරසෙසු සප්‌පිමණ්‌ඩො අග්‌ගො, එවමෙවං ඉමෙසු පඤ්‌චසු ආරඤ්‌ඤිකෙසු යො අයං අප්‌පිච්‌ඡතාදීනි නිස්‌සාය ආරඤ්‌ඤිකො හොති, අයං අග්‌ගො චෙව සෙට්‌ඨො ච මොක්‌ඛො ච පවරො ච. ඉමෙසු ආරඤ්‌ඤිකෙසු ජාතිආරඤ්‌ඤිකා වෙදිතබ්‌බා, න ආරඤ්‌ඤිකනාමමත්‌තෙන ආරඤ්‌ඤිකාති වෙදිතබ්‌බා. පංසුකූලිකාදීසුපි එසෙව නයො.
Gavā khīranti gāvito khīraṃ nāma hoti, na gāviyā dadhi. Khīramhā dadhītiādīsupi eseva nayo. Evamevanti yathā etesu pañcasu gorasesu sappimaṇḍo aggo, evamevaṃ imesu pañcasu āraññikesu yo ayaṃ appicchatādīni nissāya āraññiko hoti, ayaṃ aggo ceva seṭṭho ca mokkho ca pavaro ca. Imesu āraññikesu jātiāraññikā veditabbā, na āraññikanāmamattena āraññikāti veditabbā. Paṃsukūlikādīsupi eseva nayo.
ආරඤ්‌ඤිකසුත්‌තවණ්‌ණනා නිට්‌ඨිතා.
Āraññikasuttavaṇṇanā niṭṭhitā.
අරඤ්‌ඤවග්‌ගවණ්‌ණනා නිට්‌ඨිතා.
Araññavaggavaṇṇanā niṭṭhitā.
Related texts:
තිපිටක (මූල) • Tipiṭaka (Mūla) / සුත්‌තපිටක • Suttapiṭaka / අඞ්‌ගුත්‌තරනිකාය • Aṅguttaranikāya / 1. ආරඤ්‌ඤිකසුත්‌තං • 1. Āraññikasuttaṃ
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / අඞ්‌ගුත්‌තරනිකාය (අට්‌ඨකථා) • Aṅguttaranikāya (aṭṭhakathā) / 1. ආරඤ්‌ඤිකසුත්‌තවණ්‌ණනා • 1. Āraññikasuttavaṇṇanā
