| Library / Tipiṭaka / တိပိဋက • Tipiṭaka / သံယုတ္တနိကာယ • Saṃyuttanikāya |
၁၀. အာသဝက္ခယသုတ္တံ
10. Āsavakkhayasuttaṃ
၉၉၆. အာသဝာနံ ခယာယ သံဝတ္တတိ။ ကထံ ဘာဝိတော စ, ဘိက္ခဝေ, အာနာပာနသ္သတိသမာဓိ ကထံ ဗဟုလီကတော သံယောဇနပ္ပဟာနာယ သံဝတ္တတိ။ အနုသယသမုဂ္ဃာတာယ သံဝတ္တတိ။ အဒ္ဓာနပရိညာယ သံဝတ္တတိ။ အာသဝာနံ ခယာယ သံဝတ္တတိ? ဣဓ, ဘိက္ခဝေ, ဘိက္ခု အရညဂတော ဝာ ရုက္ခမူလဂတော ဝာ။ပေ. ။ ပဋိနိသ္သဂ္ဂာနုပသ္သီ အသ္သသိသ္သာမီတိ သိက္ခတိ, ပဋိနိသ္သဂ္ဂာနုပသ္သီ ပသ္သသိသ္သာမီတိ သိက္ခတိ။ ဧဝံ ဘာဝိတော ခော, ဘိက္ခဝေ, အာနာပာနသ္သတိသမာဓိ ဧဝံ ဗဟုလီကတော သံယောဇနပ္ပဟာနာယ သံဝတ္တတိ။ပေ.။ အနုသယသမုဂ္ဃာတာယ သံဝတ္တတိ။ပေ.။ အဒ္ဓာနပရိညာယ သံဝတ္တတိ။ပေ.။ အာသဝာနံ ခယာယ သံဝတ္တတီတိ။ ဒသမံ။
996. Āsavānaṃ khayāya saṃvattati. Kathaṃ bhāvito ca, bhikkhave, ānāpānassatisamādhi kathaṃ bahulīkato saṃyojanappahānāya saṃvattati… anusayasamugghātāya saṃvattati… addhānapariññāya saṃvattati… āsavānaṃ khayāya saṃvattati? Idha, bhikkhave, bhikkhu araññagato vā rukkhamūlagato vā…pe. … paṭinissaggānupassī assasissāmīti sikkhati, paṭinissaggānupassī passasissāmīti sikkhati. Evaṃ bhāvito kho, bhikkhave, ānāpānassatisamādhi evaṃ bahulīkato saṃyojanappahānāya saṃvattati…pe… anusayasamugghātāya saṃvattati…pe… addhānapariññāya saṃvattati…pe… āsavānaṃ khayāya saṃvattatīti. Dasamaṃ.
ဒုတိယော ဝဂ္ဂော။
Dutiyo vaggo.
တသ္သုဒ္ဒာနံ –
Tassuddānaṃ –
ဣစ္ဆာနင္ဂလံ ကင္ခေယ္ယံ၊ အာနန္ဒာ အပရေ ဒုဝေ။
Icchānaṅgalaṃ kaṅkheyyaṃ, ānandā apare duve;
ဘိက္ခူ သံယောဇနာနုသယာ၊ အဒ္ဓာနံ အာသဝက္ခယန္တိ။
Bhikkhū saṃyojanānusayā, addhānaṃ āsavakkhayanti.
အာနာပာနသံယုတ္တံ ဒသမံ။
Ānāpānasaṃyuttaṃ dasamaṃ.
Related texts:
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) / ၃-၁၀. ပဌမအာနန္ဒသုတ္တာဒိဝဏ္ဏနာ • 3-10. Paṭhamaānandasuttādivaṇṇanā
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / သံယုတ္တနိကာယ (ဋီကာ) • Saṃyuttanikāya (ṭīkā) / ၃-၁၀. ပဌမအာနန္ဒသုတ္တာဒိဝဏ္ဏနာ • 3-10. Paṭhamaānandasuttādivaṇṇanā
