| Library / Tipiṭaka / තිපිටක • Tipiṭaka / සංයුත්‌තනිකාය (අට්‌ඨකථා) • Saṃyuttanikāya (aṭṭhakathā) |
6. අසිබන්‌ධකපුත්‌තසුත්‌තවණ්‌ණනා
6. Asibandhakaputtasuttavaṇṇanā
358. ඡට්‌ඨෙ පච්‌ඡාභූමකාති පච්‌ඡාභූමිවාසිනො. කාමණ්‌ඩලුකාති සකමණ්‌ඩලුනො. සෙවාලමාලිකාති පාතොව උදකතො සෙවාලඤ්‌චෙව උප්‌පලාදීනි ච ගහෙත්‌වා උදකසුද්‌ධිකභාවජානනත්‌ථාය මාලං කත්‌වා පිළන්‌ධනකා. උදකොරොහකාති සායංපාතං උදකං ඔරොහනකා. උය්‍යාපෙන්‌තීති උපරි යාපෙන්‌ති. සඤ්‌ඤාපෙන්‌තීති සම්‌මා ඤාපෙන්‌ති. සග්‌ගං නාම ඔක්‌කාමෙන්‌තීති පරිවාරෙත්‌වා ඨිතා ‘‘ගච්‌ඡ, භො, බ්‍රහ්‌මලොකං, ගච්‌ඡ, භො, බ්‍රහ්‌මලොක’’න්‌ති වදන්‌තා සග්‌ගං පවෙසෙන්‌ති. අනුපරිසක්‌කෙය්‍යාති අනුපරිගච්‌ඡෙය්‍ය. උම්‌මුජ්‌ජාති උම්‌මුජ්‌ජ උට්‌ඨහ. ථලමුප්‌ලවාති ථලමභිරුහ. තත්‍ර යාස්‌සාති තත්‍ර යා භවෙය්‍ය. සක්‌ඛරා වා කඨලා වාති සක්‌ඛරා ච කඨලා ච . සා අධොගාමී අස්‌සාති සා අධො ගච්‌ඡෙය්‍ය, හෙට්‌ඨාගාමී භවෙය්‍ය. අධොගච්‌ඡාති හෙට්‌ඨා ගච්‌ඡ.
358. Chaṭṭhe pacchābhūmakāti pacchābhūmivāsino. Kāmaṇḍalukāti sakamaṇḍaluno. Sevālamālikāti pātova udakato sevālañceva uppalādīni ca gahetvā udakasuddhikabhāvajānanatthāya mālaṃ katvā piḷandhanakā. Udakorohakāti sāyaṃpātaṃ udakaṃ orohanakā. Uyyāpentīti upari yāpenti. Saññāpentīti sammā ñāpenti. Saggaṃ nāma okkāmentīti parivāretvā ṭhitā ‘‘gaccha, bho, brahmalokaṃ, gaccha, bho, brahmaloka’’nti vadantā saggaṃ pavesenti. Anuparisakkeyyāti anuparigaccheyya. Ummujjāti ummujja uṭṭhaha. Thalamuplavāti thalamabhiruha. Tatra yāssāti tatra yā bhaveyya. Sakkharā vā kaṭhalā vāti sakkharā ca kaṭhalā ca . Sā adhogāmī assāti sā adho gaccheyya, heṭṭhāgāmī bhaveyya. Adhogacchāti heṭṭhā gaccha.
Related texts:
තිපිටක (මූල) • Tipiṭaka (Mūla) / සුත්‌තපිටක • Suttapiṭaka / සංයුත්‌තනිකාය • Saṃyuttanikāya / 6. අසිබන්‌ධකපුත්‌තසුත්‌තං • 6. Asibandhakaputtasuttaṃ
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / සංයුත්‌තනිකාය (ටීකා) • Saṃyuttanikāya (ṭīkā) / 6. අසිබන්‌ධකපුත්‌තසුත්‌තවණ්‌ණනා • 6. Asibandhakaputtasuttavaṇṇanā
