| Library / Tipiṭaka / තිපිටක • Tipiṭaka / විමතිවිනොදනී-ටීකා • Vimativinodanī-ṭīkā |
4. අට්‌ඨවත්‌ථුකසික්‌ඛාපදවණ්‌ණනා
4. Aṭṭhavatthukasikkhāpadavaṇṇanā
675. චතුත්‌ථෙ ලොකස්‌සාදසඞ්‌ඛාතං මිත්‌තෙහි අඤ්‌ඤමඤ්‌ඤං කාතබ්‌බං සන්‌ථවං. වුත්‌තමෙවත්‌ථං පරියායන්‌තරෙන දස්‌සෙතුං ‘‘කායසංසග්‌ගරාගෙනා’’ති වුත්‌තං.
675. Catutthe lokassādasaṅkhātaṃ mittehi aññamaññaṃ kātabbaṃ santhavaṃ. Vuttamevatthaṃ pariyāyantarena dassetuṃ ‘‘kāyasaṃsaggarāgenā’’ti vuttaṃ.
තිස්‌සිත්‌ථියො මෙථුනං තං න සෙවෙති යා තිස්‌සො ඉත්‌ථියො, තාසු වුත්‌තං තං මෙථුනං න සෙවෙය්‍ය. අනරියපණ්‌ඩකෙති තයො අනරියෙ, තයො පණ්‌ඩකෙ ච උපසඞ්‌කමිත්‌වා මෙථුනං න සෙවෙති අත්‌ථො. අනරියාති චෙත්‌ථ උභතොබ්‍යඤ්‌ජනකා අධිප්‌පෙතා. බ්‍යඤ්‌ජනස්‌මින්‌ති අත්‌තනො වච්‌චමුඛමග්‌ගෙපි. ඡෙදො එව ඡෙජ්‌ජං, පාරාජිකං.
Tissitthiyo methunaṃ taṃ na seveti yā tisso itthiyo, tāsu vuttaṃ taṃ methunaṃ na seveyya. Anariyapaṇḍaketi tayo anariye, tayo paṇḍake ca upasaṅkamitvā methunaṃ na seveti attho. Anariyāti cettha ubhatobyañjanakā adhippetā. Byañjanasminti attano vaccamukhamaggepi. Chedo eva chejjaṃ, pārājikaṃ.
වණ්‌ණාවණ්‌ණොති ද්‌වීහි සුක්‌කවිස්‌සට්‌ඨි වුත්‌තා. ගමනුප්‌පාදනන්‌ති සඤ්‌චරිත්‌තං. ‘‘මෙථුනධම්‌මස්‌ස පුබ්‌බභාගත්‌තා පච්‌චයො හොතී’’ති ඉමිනා කාරියොපචාරෙන කායසංසග්‌ගො මෙථුනධම්‌මොති වුත්‌තොති දස්‌සෙති. සබ්‌බපදෙසූති සඞ්‌ඝාටිකණ්‌ණග්‌ගහණාදිපදෙසු. කායසංසග්‌ගරාගො, සඋස්‌සාහතා, අට්‌ඨමවත්‌ථුස්‌ස පූරණන්‌ති තීණෙත්‌ථ අඞ්‌ගානි.
Vaṇṇāvaṇṇoti dvīhi sukkavissaṭṭhi vuttā. Gamanuppādananti sañcarittaṃ. ‘‘Methunadhammassa pubbabhāgattā paccayo hotī’’ti iminā kāriyopacārena kāyasaṃsaggo methunadhammoti vuttoti dasseti. Sabbapadesūti saṅghāṭikaṇṇaggahaṇādipadesu. Kāyasaṃsaggarāgo, saussāhatā, aṭṭhamavatthussa pūraṇanti tīṇettha aṅgāni.
අට්‌ඨවත්‌ථුකසික්‌ඛාපදවණ්‌ණනා නිට්‌ඨිතා.
Aṭṭhavatthukasikkhāpadavaṇṇanā niṭṭhitā.
පාරාජිකවණ්‌ණනානයො නිට්‌ඨිතො.
Pārājikavaṇṇanānayo niṭṭhito.
Related texts:
තිපිටක (මූල) • Tipiṭaka (Mūla) / විනයපිටක • Vinayapiṭaka / භික්‌ඛුනීවිභඞ්‌ග • Bhikkhunīvibhaṅga / 4. චතුත්‌ථපාරාජිකං • 4. Catutthapārājikaṃ
අට්‌ඨකථා • Aṭṭhakathā / විනයපිටක (අට්‌ඨකථා) • Vinayapiṭaka (aṭṭhakathā) / භික්‌ඛුනීවිභඞ්‌ග-අට්‌ඨකථා • Bhikkhunīvibhaṅga-aṭṭhakathā / 4. චතුත්‌ථපාරාජිකසික්‌ඛාපදවණ්‌ණනා • 4. Catutthapārājikasikkhāpadavaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / සාරත්‌ථදීපනී-ටීකා • Sāratthadīpanī-ṭīkā / 4. චතුත්‌ථපාරාජිකසික්‌ඛාපදවණ්‌ණනා • 4. Catutthapārājikasikkhāpadavaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / වජිරබුද්‌ධි-ටීකා • Vajirabuddhi-ṭīkā / 4. චතුත්‌ථපාරාජිකසික්‌ඛාපදවණ්‌ණනා • 4. Catutthapārājikasikkhāpadavaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / පාචිත්‍යාදියොජනාපාළි • Pācityādiyojanāpāḷi / 4. චතුත්‌ථපාරාජිකසික්‌ඛාපදං • 4. Catutthapārājikasikkhāpadaṃ
