| Library / Tipiṭaka / තිපිටක • Tipiṭaka / විමතිවිනොදනී-ටීකා • Vimativinodanī-ṭīkā |
සෙදමොචනගාථා
Sedamocanagāthā
අවිප්‌පවාසපඤ්‌හාවණ්‌ණනා
Avippavāsapañhāvaṇṇanā
479. සෙදමොචනගාථාසු අකප්‌පියසම්‌භොගොති අනුපසම්‌පන්‌නෙහි සද්‌ධිං කාතුං පටික්‌ඛිත්‌තො උපොසථාදිසංවාසො එව වුත්‌තො. පඤ්‌හා මෙසාති එත්‌ථ ම-කාරො පදසන්‌ධිකරො. එසාති ච ලිඞ්‌ගවිපල්‌ලාසවසෙන වුත්‌තං, පඤ්‌හො එසොති අත්‌ථො. පඤ්‌හ-සද්‌දො වා ද්‌විලිඞ්‌ගො දට්‌ඨබ්‌බො. තෙනාහ ‘‘එසා පඤ්‌හා’’තිආදි.
479. Sedamocanagāthāsu akappiyasambhogoti anupasampannehi saddhiṃ kātuṃ paṭikkhitto uposathādisaṃvāso eva vutto. Pañhā mesāti ettha ma-kāro padasandhikaro. Esāti ca liṅgavipallāsavasena vuttaṃ, pañho esoti attho. Pañha-saddo vā dviliṅgo daṭṭhabbo. Tenāha ‘‘esā pañhā’’tiādi.
ගරුභණ්‌ඩං සන්‌ධායාති ගරුභණ්‌ඩෙන ගරුභණ්‌ඩපරිවත්‌තනං සන්‌ධාය. දසාති දස අවන්‌දියපුග්‌ගලෙ. එකාදසෙති අභබ්‌බපුග්‌ගලෙ. සික්‌ඛාය අසාධාරණොති ඛුරභණ්‌ඩං ධාරෙතුං අනුඤ්‌ඤාතසික්‌ඛාපදෙන භික්‌ඛූහි අසාධාරණසික්‌ඛාපදොති අත්‌ථො.
Garubhaṇḍaṃ sandhāyāti garubhaṇḍena garubhaṇḍaparivattanaṃ sandhāya. Dasāti dasa avandiyapuggale. Ekādaseti abhabbapuggale. Sikkhāya asādhāraṇoti khurabhaṇḍaṃ dhāretuṃ anuññātasikkhāpadena bhikkhūhi asādhāraṇasikkhāpadoti attho.
උබ්‌භක්‌ඛකෙ න වදාමීති අක්‌ඛතො උද්‌ධං සීසෙ ඨිතමුඛමග්‌ගෙපි පාරාජිකං සන්‌ධාය න වදාමි. අධොනාභින්‌ති නාභිතො හෙට්‌ඨා ඨිතවච්‌චපස්‌සාවමග්‌ගෙපි විවජ්‌ජිය අඤ්‌ඤස්‌මිං සරීරප්‌පදෙසෙ මෙථුනධම්‌මපච්‌චයා කථං පාරාජිකො සියාති අත්‌ථො.
Ubbhakkhake na vadāmīti akkhato uddhaṃ sīse ṭhitamukhamaggepi pārājikaṃ sandhāya na vadāmi. Adhonābhinti nābhito heṭṭhā ṭhitavaccapassāvamaggepi vivajjiya aññasmiṃ sarīrappadese methunadhammapaccayā kathaṃ pārājiko siyāti attho.
ඡෙජ්‌ජවත්‌ථුන්‌ති පාරාජිකං.
Chejjavatthunti pārājikaṃ.
අවිප්‌පවාසපඤ්‌හාවණ්‌ණනා නිට්‌ඨිතා.
Avippavāsapañhāvaṇṇanā niṭṭhitā.
Related texts:
තිපිටක (මූල) • Tipiṭaka (Mūla) / විනයපිටක • Vinayapiṭaka / පරිවාරපාළි • Parivārapāḷi / 1. අවිප්‌පවාසපඤ්‌හා • 1. Avippavāsapañhā
අට්‌ඨකථා • Aṭṭhakathā / විනයපිටක (අට්‌ඨකථා) • Vinayapiṭaka (aṭṭhakathā) / පරිවාර-අට්‌ඨකථා • Parivāra-aṭṭhakathā / (1) අවිප්‌පවාසපඤ්‌හාවණ්‌ණනා • (1) Avippavāsapañhāvaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / සාරත්‌ථදීපනී-ටීකා • Sāratthadīpanī-ṭīkā / අවිප්‌පවාසාදිපඤ්‌හවණ්‌ණනා • Avippavāsādipañhavaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / වජිරබුද්‌ධි-ටීකා • Vajirabuddhi-ṭīkā / අවිප්‌පවාසපඤ්‌හාවණ්‌ණනා • Avippavāsapañhāvaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / පාචිත්‍යාදියොජනාපාළි • Pācityādiyojanāpāḷi / (1) අවිප්‌පවාසපඤ්‌හාවණ්‌ණනා • (1) Avippavāsapañhāvaṇṇanā
