| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа • Aṅguttaranikāya |
5. б̣аласуд̇д̇ам̣
5. Balasuttaṃ
5. ‘‘жад̇д̇ааримаани, бхигкавз, б̣алаани. гад̇амаани жад̇д̇аари? бан̃н̃ааб̣алам̣, вийрияаб̣алам̣, анаваж̇ж̇аб̣алам̣, сан̇г̇аахаб̣алам̣. гад̇аман̃жа, бхигкавз, бан̃н̃ааб̣алам̣? яз д̇хаммаа гусалаа гусаласан̇каад̇аа яз д̇хаммаа агусалаа агусаласан̇каад̇аа яз д̇хаммаа сааваж̇ж̇аа сааваж̇ж̇асан̇каад̇аа яз д̇хаммаа анаваж̇ж̇аа анаваж̇ж̇асан̇каад̇аа яз д̇хаммаа ган̣хаа ган̣хасан̇каад̇аа яз д̇хаммаа суггаа суггасан̇каад̇аа яз д̇хаммаа сзвид̇аб̣б̣аа сзвид̇аб̣б̣асан̇каад̇аа яз д̇хаммаа асзвид̇аб̣б̣аа асзвид̇аб̣б̣асан̇каад̇аа яз д̇хаммаа нааламарияаа нааламарияасан̇каад̇аа яз д̇хаммаа аламарияаа аламарияасан̇каад̇аа, д̇яаасса д̇хаммаа бан̃н̃ааяа вод̣̇идтаа хонд̇и вожарид̇аа. ид̣̇ам̣ вужжад̇и, бхигкавз, бан̃н̃ааб̣алам̣.
5. ‘‘Cattārimāni, bhikkhave, balāni. Katamāni cattāri? Paññābalaṃ, vīriyabalaṃ, anavajjabalaṃ, saṅgāhabalaṃ. Katamañca, bhikkhave, paññābalaṃ? Ye dhammā kusalā kusalasaṅkhātā ye dhammā akusalā akusalasaṅkhātā ye dhammā sāvajjā sāvajjasaṅkhātā ye dhammā anavajjā anavajjasaṅkhātā ye dhammā kaṇhā kaṇhasaṅkhātā ye dhammā sukkā sukkasaṅkhātā ye dhammā sevitabbā sevitabbasaṅkhātā ye dhammā asevitabbā asevitabbasaṅkhātā ye dhammā nālamariyā nālamariyasaṅkhātā ye dhammā alamariyā alamariyasaṅkhātā, tyāssa dhammā paññāya vodiṭṭhā honti vocaritā. Idaṃ vuccati, bhikkhave, paññābalaṃ.
‘‘гад̇аман̃жа , бхигкавз, вийрияаб̣алам̣? яз д̇хаммаа агусалаа агусаласан̇каад̇аа яз д̇хаммаа сааваж̇ж̇аа сааваж̇ж̇асан̇каад̇аа яз д̇хаммаа ган̣хаа ган̣хасан̇каад̇аа яз д̇хаммаа асзвид̇аб̣б̣аа асзвид̇аб̣б̣асан̇каад̇аа яз д̇хаммаа нааламарияаа нааламарияасан̇каад̇аа, д̇зсам̣ д̇хаммаанам̣ бахаанааяа чанд̣̇ам̣ ж̇анзд̇и вааяамад̇и вийрияам̣ аарабхад̇и жид̇д̇ам̣ баг̇г̇ан̣хаад̇и бад̣̇ахад̇и. яз д̇хаммаа гусалаа гусаласан̇каад̇аа яз д̇хаммаа анаваж̇ж̇аа анаваж̇ж̇асан̇каад̇аа яз д̇хаммаа суггаа суггасан̇каад̇аа яз д̇хаммаа сзвид̇аб̣б̣аа сзвид̇аб̣б̣асан̇каад̇аа яз д̇хаммаа аламарияаа аламарияасан̇каад̇аа, д̇зсам̣ д̇хаммаанам̣ бадилаабхааяа чанд̣̇ам̣ ж̇анзд̇и вааяамад̇и вийрияам̣ аарабхад̇и жид̇д̇ам̣ баг̇г̇ан̣хаад̇и бад̣̇ахад̇и. ид̣̇ам̣ вужжад̇и, бхигкавз, вийрияаб̣алам̣.
‘‘Katamañca , bhikkhave, vīriyabalaṃ? Ye dhammā akusalā akusalasaṅkhātā ye dhammā sāvajjā sāvajjasaṅkhātā ye dhammā kaṇhā kaṇhasaṅkhātā ye dhammā asevitabbā asevitabbasaṅkhātā ye dhammā nālamariyā nālamariyasaṅkhātā, tesaṃ dhammānaṃ pahānāya chandaṃ janeti vāyamati vīriyaṃ ārabhati cittaṃ paggaṇhāti padahati. Ye dhammā kusalā kusalasaṅkhātā ye dhammā anavajjā anavajjasaṅkhātā ye dhammā sukkā sukkasaṅkhātā ye dhammā sevitabbā sevitabbasaṅkhātā ye dhammā alamariyā alamariyasaṅkhātā, tesaṃ dhammānaṃ paṭilābhāya chandaṃ janeti vāyamati vīriyaṃ ārabhati cittaṃ paggaṇhāti padahati. Idaṃ vuccati, bhikkhave, vīriyabalaṃ.
‘‘гад̇аман̃жа, бхигкавз, анаваж̇ж̇аб̣алам̣? ид̇ха, бхигкавз, арияасааваго анаваж̇ж̇зна гааяагаммзна саманнааг̇ад̇о ход̇и, анаваж̇ж̇зна важийгаммзна саманнааг̇ад̇о ход̇и, анаваж̇ж̇зна маногаммзна саманнааг̇ад̇о ход̇и. ид̣̇ам̣ вужжад̇и, бхигкавз, анаваж̇ж̇аб̣алам̣.
‘‘Katamañca, bhikkhave, anavajjabalaṃ? Idha, bhikkhave, ariyasāvako anavajjena kāyakammena samannāgato hoti, anavajjena vacīkammena samannāgato hoti, anavajjena manokammena samannāgato hoti. Idaṃ vuccati, bhikkhave, anavajjabalaṃ.
‘‘гад̇аман̃жа , бхигкавз, сан̇г̇аахаб̣алам̣? жад̇д̇ааримаани, бхигкавз, сан̇г̇ахавад̇т̇ууни – д̣̇аанам̣, бзяяаваж̇ж̇ам̣, ад̇т̇ажарияаа, самаанад̇д̇ад̇аа. зд̇ад̣̇аг̇г̇ам̣, бхигкавз, д̣̇аанаанам̣ яад̣̇ид̣̇ам̣ д̇хаммад̣̇аанам̣. зд̇ад̣̇аг̇г̇ам̣, бхигкавз, бзяяаваж̇ж̇аанам̣ яад̣̇ид̣̇ам̣ ад̇т̇игасса охид̇асод̇асса бунаббунам̣ д̇хаммам̣ д̣̇зсзд̇и. зд̇ад̣̇аг̇г̇ам̣, бхигкавз, ад̇т̇ажарияаанам̣ яад̣̇ид̣̇ам̣ ассад̣̇д̇хам̣ сад̣̇д̇хаасамбад̣̇ааяа самаад̣̇абзд̇и нивзсзд̇и бад̇идтаабзд̇и, д̣̇уссийлам̣ сийласамбад̣̇ааяа… бз… мажчарим̣ жааг̇асамбад̣̇ааяа…бз… д̣̇уббан̃н̃ам̣ бан̃н̃аасамбад̣̇ааяа самаад̣̇абзд̇и нивзсзд̇и бад̇идтаабзд̇и. зд̇ад̣̇аг̇г̇ам̣, бхигкавз, самаанад̇д̇ад̇аанам̣ яад̣̇ид̣̇ам̣ сод̇аабанно сод̇аабаннасса самаанад̇д̇о, сагад̣̇ааг̇аамий сагад̣̇ааг̇аамисса самаанад̇д̇о, анааг̇аамий анааг̇аамисса самаанад̇д̇о, арахаа арахад̇о самаанад̇д̇о. ид̣̇ам̣ вужжад̇и, бхигкавз, сан̇г̇аахаб̣алам̣. имаани ко, бхигкавз, жад̇д̇аари б̣алаани.
‘‘Katamañca , bhikkhave, saṅgāhabalaṃ? Cattārimāni, bhikkhave, saṅgahavatthūni – dānaṃ, peyyavajjaṃ, atthacariyā, samānattatā. Etadaggaṃ, bhikkhave, dānānaṃ yadidaṃ dhammadānaṃ. Etadaggaṃ, bhikkhave, peyyavajjānaṃ yadidaṃ atthikassa ohitasotassa punappunaṃ dhammaṃ deseti. Etadaggaṃ, bhikkhave, atthacariyānaṃ yadidaṃ assaddhaṃ saddhāsampadāya samādapeti niveseti patiṭṭhāpeti, dussīlaṃ sīlasampadāya… pe… macchariṃ cāgasampadāya…pe… duppaññaṃ paññāsampadāya samādapeti niveseti patiṭṭhāpeti. Etadaggaṃ, bhikkhave, samānattatānaṃ yadidaṃ sotāpanno sotāpannassa samānatto, sakadāgāmī sakadāgāmissa samānatto, anāgāmī anāgāmissa samānatto, arahā arahato samānatto. Idaṃ vuccati, bhikkhave, saṅgāhabalaṃ. Imāni kho, bhikkhave, cattāri balāni.
‘‘имзхи ко, бхигкавз, жад̇уухи б̣алзхи саманнааг̇ад̇о арияасааваго бан̃жа бхаяаани самад̇игганд̇о ход̇и. гад̇амаани бан̃жа? ааж̇ийвигабхаяам̣, асилогабхаяам̣, барисасаараж̇ж̇абхаяам̣, маран̣абхаяам̣ , д̣̇уг̇г̇ад̇ибхаяам̣. са ко со, бхигкавз, арияасааваго ид̇и бадисан̃жигкад̇и – ‘наахам̣ ааж̇ийвигабхаяасса бхааяаами. гиссаахам̣ ааж̇ийвигабхаяасса бхааяиссаами? ад̇т̇и мз жад̇д̇аари б̣алаани – бан̃н̃ааб̣алам̣, вийрияаб̣алам̣, анаваж̇ж̇аб̣алам̣, сан̇г̇аахаб̣алам̣. д̣̇уббан̃н̃о ко ааж̇ийвигабхаяасса бхааязяяа. гусийд̇о ааж̇ийвигабхаяасса бхааязяяа. сааваж̇ж̇агааяагамманд̇аважийгамманд̇аманогамманд̇о ааж̇ийвигабхаяасса бхааязяяа. асан̇г̇аахаго ааж̇ийвигабхаяасса бхааязяяа. наахам̣ асилогабхаяасса бхааяаами…бз… наахам̣ барисасаараж̇ж̇абхаяасса бхааяаами…бз… наахам̣ маран̣абхаяасса бхааяаами…бз… наахам̣ д̣̇уг̇г̇ад̇ибхаяасса бхааяаами. гиссаахам̣ д̣̇уг̇г̇ад̇ибхаяасса бхааяиссаами? ад̇т̇и мз жад̇д̇аари б̣алаани – бан̃н̃ааб̣алам̣, вийрияаб̣алам̣, анаваж̇ж̇аб̣алам̣, сан̇г̇аахаб̣алам̣. д̣̇уббан̃н̃о ко д̣̇уг̇г̇ад̇ибхаяасса бхааязяяа. гусийд̇о д̣̇уг̇г̇ад̇ибхаяасса бхааязяяа. сааваж̇ж̇агааяагамманд̇аважийгамманд̇аманогамманд̇о д̣̇уг̇г̇ад̇ибхаяасса бхааязяяа. асан̇г̇аахаго д̣̇уг̇г̇ад̇ибхаяасса бхааязяяа. имзхи ко, бхигкавз, жад̇уухи б̣алзхи саманнааг̇ад̇о арияасааваго имаани бан̃жа бхаяаани самад̇игганд̇о ход̇ий’’д̇и. бан̃жамам̣.
‘‘Imehi kho, bhikkhave, catūhi balehi samannāgato ariyasāvako pañca bhayāni samatikkanto hoti. Katamāni pañca? Ājīvikabhayaṃ, asilokabhayaṃ, parisasārajjabhayaṃ, maraṇabhayaṃ , duggatibhayaṃ. Sa kho so, bhikkhave, ariyasāvako iti paṭisañcikkhati – ‘nāhaṃ ājīvikabhayassa bhāyāmi. Kissāhaṃ ājīvikabhayassa bhāyissāmi? Atthi me cattāri balāni – paññābalaṃ, vīriyabalaṃ, anavajjabalaṃ, saṅgāhabalaṃ. Duppañño kho ājīvikabhayassa bhāyeyya. Kusīto ājīvikabhayassa bhāyeyya. Sāvajjakāyakammantavacīkammantamanokammanto ājīvikabhayassa bhāyeyya. Asaṅgāhako ājīvikabhayassa bhāyeyya. Nāhaṃ asilokabhayassa bhāyāmi…pe… nāhaṃ parisasārajjabhayassa bhāyāmi…pe… nāhaṃ maraṇabhayassa bhāyāmi…pe… nāhaṃ duggatibhayassa bhāyāmi. Kissāhaṃ duggatibhayassa bhāyissāmi? Atthi me cattāri balāni – paññābalaṃ, vīriyabalaṃ, anavajjabalaṃ, saṅgāhabalaṃ. Duppañño kho duggatibhayassa bhāyeyya. Kusīto duggatibhayassa bhāyeyya. Sāvajjakāyakammantavacīkammantamanokammanto duggatibhayassa bhāyeyya. Asaṅgāhako duggatibhayassa bhāyeyya. Imehi kho, bhikkhave, catūhi balehi samannāgato ariyasāvako imāni pañca bhayāni samatikkanto hotī’’ti. Pañcamaṃ.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 5. б̣аласуд̇д̇аван̣н̣анаа • 5. Balasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 4-5. нанд̣̇агасуд̇д̇аад̣̇иван̣н̣анаа • 4-5. Nandakasuttādivaṇṇanā
