| Library / Tipiṭaka / တိပိဋက • Tipiṭaka / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) |
၂. ဗဠိသသုတ္တဝဏ္ဏနာ
2. Baḷisasuttavaṇṇanā
၁၅၈. ဒုတိယေ ဗာဠိသိကောတိ ဗဠိသံ ဂဟေတ္ဝာ စရမာနော မစ္ဆဃာတကော။ အာမိသဂတန္တိ အာမိသမက္ခိတံ။ အာမိသစက္ခူတိ အာမိသေ စက္ခု ဒသ္သနံ အသ္သာတိ အာမိသစက္ခု။ ဂိလဗဠိသောတိ ဂိလိတဗဠိသော။ အနယံ အာပန္နောတိ ဒုက္ခံ ပတ္တော။ ဗ္ယသနံ အာပန္နောတိ ဝိနာသံ ပတ္တော။ ယထာကာမကရဏီယောတိ ယထာကာမေန ယထာရုစိယာ ယထေဝ နံ ဗာဠိသိကော ဣစ္ဆတိ, တထေဝသ္သ ကတ္တဗ္ဗောတိ အတ္ထော။ ယထာကာမကရဏီယော ပာပိမတောတိ ယထာ ကိလေသမာရသ္သ ကာမော, ဧဝံ ကတ္တဗ္ဗော, နိရယံ ဝာ တိရစ္ဆာနယောနိံ ဝာ ပေတ္တိဝိသယံ ဝာ ပာပေတဗ္ဗော။ ဒုတိယံ။
158. Dutiye bāḷisikoti baḷisaṃ gahetvā caramāno macchaghātako. Āmisagatanti āmisamakkhitaṃ. Āmisacakkhūti āmise cakkhu dassanaṃ assāti āmisacakkhu. Gilabaḷisoti gilitabaḷiso. Anayaṃ āpannoti dukkhaṃ patto. Byasanaṃ āpannoti vināsaṃ patto. Yathākāmakaraṇīyoti yathākāmena yathāruciyā yatheva naṃ bāḷisiko icchati, tathevassa kattabboti attho. Yathākāmakaraṇīyo pāpimatoti yathā kilesamārassa kāmo, evaṃ kattabbo, nirayaṃ vā tiracchānayoniṃ vā pettivisayaṃ vā pāpetabbo. Dutiyaṃ.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / သံယုတ္တနိကာယ • Saṃyuttanikāya / ၂. ဗဠိသသုတ္တံ • 2. Baḷisasuttaṃ
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / သံယုတ္တနိကာယ (ဋီကာ) • Saṃyuttanikāya (ṭīkā) / ၂. ဗဠိသသုတ္တဝဏ္ဏနာ • 2. Baḷisasuttavaṇṇanā
