Library / Tipiṭaka / တိပိဋက • Tipiṭaka / သံယုတ္တနိကာယ • Saṃyuttanikāya |
၄. ဗိလင္ဂိကသုတ္တံ
4. Bilaṅgikasuttaṃ
၁၉၀. ဧကံ သမယံ ဘဂဝာ ရာဇဂဟေ ဝိဟရတိ ဝေဠုဝနေ ကလန္ဒကနိဝာပေ။ အသ္သောသိ ခော ဗိလင္ဂိကဘာရဒ္ဝာဇော ဗ္ရာဟ္မဏော – ‘‘ဘာရဒ္ဝာဇဂောတ္တော ကိရ ဗ္ရာဟ္မဏော သမဏသ္သ ဂောတမသ္သ သန္တိကေ အဂာရသ္မာ အနဂာရိယံ ပဗ္ဗဇိတော’’တိ ကုပိတော အနတ္တမနော ယေန ဘဂဝာ တေနုပသင္ကမိ; ဥပသင္ကမိတ္ဝာ တုဏ္ဟီဘူတော ဧကမန္တံ အဋ္ဌာသိ။ အထ ခော ဘဂဝာ ဗိလင္ဂိကသ္သ ဘာရဒ္ဝာဇသ္သ ဗ္ရာဟ္မဏသ္သ စေတသာ စေတောပရိဝိတက္ကမညာယ ဗိလင္ဂိကံ ဘာရဒ္ဝာဇံ ဗ္ရာဟ္မဏံ ဂာထာယ အဇ္ဈဘာသိ –
190. Ekaṃ samayaṃ bhagavā rājagahe viharati veḷuvane kalandakanivāpe. Assosi kho bilaṅgikabhāradvājo brāhmaṇo – ‘‘bhāradvājagotto kira brāhmaṇo samaṇassa gotamassa santike agārasmā anagāriyaṃ pabbajito’’ti kupito anattamano yena bhagavā tenupasaṅkami; upasaṅkamitvā tuṇhībhūto ekamantaṃ aṭṭhāsi. Atha kho bhagavā bilaṅgikassa bhāradvājassa brāhmaṇassa cetasā cetoparivitakkamaññāya bilaṅgikaṃ bhāradvājaṃ brāhmaṇaṃ gāthāya ajjhabhāsi –
‘‘ယော အပ္ပဒုဋ္ဌသ္သ နရသ္သ ဒုသ္သတိ၊
‘‘Yo appaduṭṭhassa narassa dussati,
သုဒ္ဓသ္သ ပောသသ္သ အနင္ဂဏသ္သ။
Suddhassa posassa anaṅgaṇassa;
တမေဝ ဗာလံ ပစ္စေတိ ပာပံ၊
Tameva bālaṃ pacceti pāpaṃ,
သုခုမော ရဇော ပဋိဝာတံဝ ခိတ္တော’’တိ။
Sukhumo rajo paṭivātaṃva khitto’’ti.
ဧဝံ ဝုတ္တေ, ဝိလင္ဂိကဘာရဒ္ဝာဇော ဗ္ရာဟ္မဏော ဘဂဝန္တံ ဧတဒဝောစ – ‘‘အဘိက္ကန္တံ, ဘော ဂောတမ။ပေ.။ အဗ္ဘညာသိ။ အညတရော စ ပနာယသ္မာ ဘာရဒ္ဝာဇော အရဟတံ အဟောသီ’’တိ။
Evaṃ vutte, vilaṅgikabhāradvājo brāhmaṇo bhagavantaṃ etadavoca – ‘‘abhikkantaṃ, bho gotama…pe… abbhaññāsi. Aññataro ca panāyasmā bhāradvājo arahataṃ ahosī’’ti.
Related texts:
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) / ၄. ဗိလင္ဂီကသုတ္တဝဏ္ဏနာ • 4. Bilaṅgīkasuttavaṇṇanā
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / သံယုတ္တနိကာယ (ဋီကာ) • Saṃyuttanikāya (ṭīkā) / ၄. ဗိလင္ဂိကသုတ္တဝဏ္ဏနာ • 4. Bilaṅgikasuttavaṇṇanā