| Library / Tipiṭaka / තිපිටක • Tipiṭaka / සංයුත්‌තනිකාය (අට්‌ඨකථා) • Saṃyuttanikāya (aṭṭhakathā) |
2. බ්‍රහ්‌මචරියොගධසුත්‌තවණ්‌ණනා
2. Brahmacariyogadhasuttavaṇṇanā
998. දුතියෙ යෙසං සද්‌ධාති පදෙන බුද්‌ධෙ පසාදො ගහිතො. සීලන්‌ති පදෙන අරියකන්‌තානි සීලානි ගහිතානි. පසාදොති පදෙන සඞ්‌ඝෙ පසාදො ගහිතො. ධම්‌මදස්‌සනන්‌ති පදෙන ධම්‌මෙ පසාදො ගහිතොති එවං චත්‌තාරි සොතාපත්‌තියඞ්‌ගානි වුත්‌තානි. කාලෙන පච්‌චෙන්‌තීති කාලෙන පාපුණන්‌ති. බ්‍රහ්‌මචරියොගධං සුඛන්‌ති බ්‍රහ්‌මචරියං ඔගාහිත්‌වා ඨිතං උපරිමග්‌ගත්‌තයසම්‌පයුත්‌තං සුඛං. යො පනෙස ගාථාය ආගතො පසාදො, සො කතරපසාදො හොතීති. තිපිටකචූළාභයත්‌ථෙරො තාව ‘‘මග්‌ගපසාදො’’ති ආහ, තිපිටකචූළනාගත්‌ථෙරො ‘‘ආගතමග්‌ගස්‌ස පච්‌චවෙක්‌ඛණප්‌පසාදො’’ති. උභොපි ථෙරා පණ්‌ඩිතා බහුස්‌සුතා, උභින්‌නං සුභාසිතං. මිස්‌සකප්‌පසාදො එසොති.
998. Dutiye yesaṃ saddhāti padena buddhe pasādo gahito. Sīlanti padena ariyakantāni sīlāni gahitāni. Pasādoti padena saṅghe pasādo gahito. Dhammadassananti padena dhamme pasādo gahitoti evaṃ cattāri sotāpattiyaṅgāni vuttāni. Kālena paccentīti kālena pāpuṇanti. Brahmacariyogadhaṃ sukhanti brahmacariyaṃ ogāhitvā ṭhitaṃ uparimaggattayasampayuttaṃ sukhaṃ. Yo panesa gāthāya āgato pasādo, so katarapasādo hotīti. Tipiṭakacūḷābhayatthero tāva ‘‘maggapasādo’’ti āha, tipiṭakacūḷanāgatthero ‘‘āgatamaggassa paccavekkhaṇappasādo’’ti. Ubhopi therā paṇḍitā bahussutā, ubhinnaṃ subhāsitaṃ. Missakappasādo esoti.
Related texts:
තිපිටක (මූල) • Tipiṭaka (Mūla) / සුත්‌තපිටක • Suttapiṭaka / සංයුත්‌තනිකාය • Saṃyuttanikāya / 2. බ්‍රහ්‌මචරියොගධසුත්‌තං • 2. Brahmacariyogadhasuttaṃ
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / සංයුත්‌තනිකාය (ටීකා) • Saṃyuttanikāya (ṭīkā) / 2. බ්‍රහ්‌මචරියොගධසුත්‌තවණ්‌ණනා • 2. Brahmacariyogadhasuttavaṇṇanā
