| Library / Tipiṭaka / တိပိဋက • Tipiṭaka / အင္ဂုတ္တရနိကာယ • Aṅguttaranikāya |
၈. ဗ္ယာပန္နသုတ္တံ
8. Byāpannasuttaṃ
၁၁၁. ဧကမန္တံ နိသိန္နံ ခော အနာထပိဏ္ဍိကံ ဂဟပတိံ ဘဂဝာ ဧတဒဝောစ – ‘‘စိတ္တေ, ဂဟပတိ, ဗ္ယာပန္နေ ကာယကမ္မမ္ပိ ဗ္ယာပန္နံ ဟောတိ, ဝစီကမ္မမ္ပိ ဗ္ယာပန္နံ ဟောတိ, မနောကမ္မမ္ပိ ဗ္ယာပန္နံ ဟောတိ။ တသ္သ ဗ္ယာပန္နကာယကမ္မန္တသ္သ ဗ္ယာပန္နဝစီကမ္မန္တသ္သ ဗ္ယာပန္နမနောကမ္မန္တသ္သ န ဘဒ္ဒကံ မရဏံ ဟောတိ, န ဘဒ္ဒိကာ ကာလင္ကိရိယာ။ သေယ္ယထာပိ, ဂဟပတိ, ကူဋာဂာရေ ဒုစ္ဆန္နေ ကူဋမ္ပိ ဗ္ယာပန္နံ ဟောတိ, ဂောပာနသိယောပိ ဗ္ယာပန္နာ ဟောန္တိ, ဘိတ္တိပိ ဗ္ယာပန္နာ ဟောတိ; ဧဝမေဝံ ခော, ဂဟပတိ, စိတ္တေ ဗ္ယာပန္နေ ကာယကမ္မမ္ပိ ဗ္ယာပန္နံ ဟောတိ, ဝစီကမ္မမ္ပိ ဗ္ယာပန္နံ ဟောတိ, မနောကမ္မမ္ပိ ဗ္ယာပန္နံ ဟောတိ။ တသ္သ ဗ္ယာပန္နကာယကမ္မန္တသ္သ ဗ္ယာပန္နဝစီကမ္မန္တသ္သ ဗ္ယာပန္နမနောကမ္မန္တသ္သ န ဘဒ္ဒကံ မရဏံ ဟောတိ, န ဘဒ္ဒိကာ ကာလင္ကိရိယာ။
111. Ekamantaṃ nisinnaṃ kho anāthapiṇḍikaṃ gahapatiṃ bhagavā etadavoca – ‘‘citte, gahapati, byāpanne kāyakammampi byāpannaṃ hoti, vacīkammampi byāpannaṃ hoti, manokammampi byāpannaṃ hoti. Tassa byāpannakāyakammantassa byāpannavacīkammantassa byāpannamanokammantassa na bhaddakaṃ maraṇaṃ hoti, na bhaddikā kālaṅkiriyā. Seyyathāpi, gahapati, kūṭāgāre ducchanne kūṭampi byāpannaṃ hoti, gopānasiyopi byāpannā honti, bhittipi byāpannā hoti; evamevaṃ kho, gahapati, citte byāpanne kāyakammampi byāpannaṃ hoti, vacīkammampi byāpannaṃ hoti, manokammampi byāpannaṃ hoti. Tassa byāpannakāyakammantassa byāpannavacīkammantassa byāpannamanokammantassa na bhaddakaṃ maraṇaṃ hoti, na bhaddikā kālaṅkiriyā.
‘‘စိတ္တေ , ဂဟပတိ, အဗ္ယာပန္နေ ကာယကမ္မမ္ပိ အဗ္ယာပန္နံ ဟောတိ, ဝစီကမ္မမ္ပိ အဗ္ယာပန္နံ ဟောတိ, မနောကမ္မမ္ပိ အဗ္ယာပန္နံ ဟောတိ။ တသ္သ အဗ္ယာပန္နကာယကမ္မန္တသ္သ အဗ္ယာပန္နဝစီကမ္မန္တသ္သ အဗ္ယာပန္နမနောကမ္မန္တသ္သ ဘဒ္ဒကံ မရဏံ ဟောတိ, ဘဒ္ဒိကာ ကာလင္ကိရိယာ။ သေယ္ယထာပိ, ဂဟပတိ, ကူဋာဂာရေ သုစ္ဆန္နေ ကူဋမ္ပိ အဗ္ယာပန္နံ ဟောတိ, ဂောပာနသိယောပိ အဗ္ယာပန္နာ ဟောန္တိ, ဘိတ္တိပိ အဗ္ယာပန္နာ ဟောတိ; ဧဝမေဝံ ခော, ဂဟပတိ, စိတ္တေ အဗ္ယာပန္နေ ကာယကမ္မမ္ပိ အဗ္ယာပန္နံ ဟောတိ, ဝစီကမ္မမ္ပိ အဗ္ယာပန္နံ ဟောတိ, မနောကမ္မမ္ပိ အဗ္ယာပန္နံ ဟောတိ။ တသ္သ အဗ္ယာပန္နကာယကမ္မန္တသ္သ။ပေ.။ အဗ္ယာပန္နမနောကမ္မန္တသ္သ ဘဒ္ဒကံ မရဏံ ဟောတိ, ဘဒ္ဒိကာ ကာလင္ကိရိယာ’’တိ။ အဋ္ဌမံ။
‘‘Citte , gahapati, abyāpanne kāyakammampi abyāpannaṃ hoti, vacīkammampi abyāpannaṃ hoti, manokammampi abyāpannaṃ hoti. Tassa abyāpannakāyakammantassa abyāpannavacīkammantassa abyāpannamanokammantassa bhaddakaṃ maraṇaṃ hoti, bhaddikā kālaṅkiriyā. Seyyathāpi, gahapati, kūṭāgāre succhanne kūṭampi abyāpannaṃ hoti, gopānasiyopi abyāpannā honti, bhittipi abyāpannā hoti; evamevaṃ kho, gahapati, citte abyāpanne kāyakammampi abyāpannaṃ hoti, vacīkammampi abyāpannaṃ hoti, manokammampi abyāpannaṃ hoti. Tassa abyāpannakāyakammantassa…pe… abyāpannamanokammantassa bhaddakaṃ maraṇaṃ hoti, bhaddikā kālaṅkiriyā’’ti. Aṭṭhamaṃ.
Related texts:
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / အင္ဂုတ္တရနိကာယ (အဋ္ဌကထာ) • Aṅguttaranikāya (aṭṭhakathā) / ၈. ဗ္ယာပန္နသုတ္တဝဏ္ဏနာ • 8. Byāpannasuttavaṇṇanā
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / အင္ဂုတ္တရနိကာယ (ဋီကာ) • Aṅguttaranikāya (ṭīkā) / ၄-၉. သမဏဗ္ရာဟ္မဏသုတ္တာဒိဝဏ္ဏနာ • 4-9. Samaṇabrāhmaṇasuttādivaṇṇanā
