၁-၁၀. စက္ခုသုတ္တာဒိဝဏ္ဏနာ

1-10. Cakkhusuttādivaṇṇanā

၃၀၂-၃၁၁. ဩက္ကန္တသံယုတ္တေ အဓိမုစ္စတီတိ သဒ္ဓာဓိမောက္ခံ ပဋိလဘတိ။ ဩက္ကန္တော သမ္မတ္တနိယာမန္တိ ပဝိဋ္ဌော အရိယမဂ္ဂံ။ အဘဗ္ဗော စ တာဝ ကာလံ ကာတုန္တိ ဣမိနာ ဥပ္ပန္နေ မဂ္ဂေ ဖလသ္သ အနန္တရာယတံ ဒီပေတိ။ ဥပ္ပန္နသ္မိဉ္ဟိ မဂ္ဂေ ဖလသ္သ အန္တရာယကရဏံ နာမ နတ္ထိ။ တေနေဝာဟ – ‘‘အယဉ္စ ပုဂ္ဂလော သောတာပတ္တိဖလသစ္ဆိကိရိယာယ ပဋိပန္နော အသ္သ, ကပ္ပသ္သ စ ဥဍ္ဍယ္ဟနဝေလာ အသ္သ, နေဝ တာဝ ကပ္ပော ဥဍ္ဍယ္ဟေယ္ယ, ယာဝာယံ ပုဂ္ဂလော န သောတာပတ္တိဖလံ သစ္ဆိကရောတိ, အယံ ဝုစ္စတိ ပုဂ္ဂလော ဌိတကပ္ပီ’’တိ (ပု. ပ. ၁၇)။ မတ္တသော နိဇ္ဈာနံ ခမန္တီတိ ပမာဏတော ဩလောကနံ ခမန္တိ။ သေသံ သဗ္ဗတ္ထ ဥတ္တာနမေဝာတိ။

302-311. Okkantasaṃyutte adhimuccatīti saddhādhimokkhaṃ paṭilabhati. Okkanto sammattaniyāmanti paviṭṭho ariyamaggaṃ. Abhabbo ca tāva kālaṃ kātunti iminā uppanne magge phalassa anantarāyataṃ dīpeti. Uppannasmiñhi magge phalassa antarāyakaraṇaṃ nāma natthi. Tenevāha – ‘‘ayañca puggalo sotāpattiphalasacchikiriyāya paṭipanno assa, kappassa ca uḍḍayhanavelā assa, neva tāva kappo uḍḍayheyya, yāvāyaṃ puggalo na sotāpattiphalaṃ sacchikaroti, ayaṃ vuccati puggalo ṭhitakappī’’ti (pu. pa. 17). Mattaso nijjhānaṃ khamantīti pamāṇato olokanaṃ khamanti. Sesaṃ sabbattha uttānamevāti.

ဩက္ကန္တသံယုတ္တဝဏ္ဏနာ နိဋ္ဌိတာ။

Okkantasaṃyuttavaṇṇanā niṭṭhitā.

Next: ၅. ဥပ္ပာဒသံယုတ္တဝဏ္ဏနာ • 5. Uppādasaṃyuttavaṇṇanā

ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / သံယုတ္တနိကာယ (ဋီကာ) • Saṃyuttanikāya (ṭīkā) / ၁-၁၀. စက္ခုသုတ္တာဒိဝဏ္ဏနာ • 1-10. Cakkhusuttādivaṇṇanā

© 1991-2023 The Titi Tudorancea Bulletin | Titi Tudorancea^® is a Registered Trademark | Terms of use and privacy policy
Contact