| Library / Tipiṭaka / ติปิฎก • Tipiṭaka / องฺคุตฺตรนิกาย • Aṅguttaranikāya |
๑๑. จตุตฺถอภพฺพฎฺฐานสุตฺตํ
11. Catutthaabhabbaṭṭhānasuttaṃ
๙๕. ‘‘ฉยิมานิ , ภิกฺขเว, อภพฺพฎฺฐานานิฯ กตมานิ ฉ? อภโพฺพ ทิฎฺฐิสมฺปโนฺน ปุคฺคโล สยํกตํ สุขทุกฺขํ ปจฺจาคนฺตุํ, อภโพฺพ ทิฎฺฐิสมฺปโนฺน ปุคฺคโล ปรํกตํ 1 สุขทุกฺขํ ปจฺจาคนฺตุํ, อภโพฺพ ทิฎฺฐิสมฺปโนฺน ปุคฺคโล สยํกตญฺจ ปรํกตญฺจ สุขทุกฺขํ ปจฺจาคนฺตุํ, อภโพฺพ ทิฎฺฐิสมฺปโนฺน ปุคฺคโล อสยํการํ อธิจฺจสมุปฺปนฺนํ สุขทุกฺขํ ปจฺจาคนฺตุํ, อภโพฺพ ทิฎฺฐิสมฺปโนฺน ปุคฺคโล อปรํการํ อธิจฺจสมุปฺปนฺนํ สุขทุกฺขํ ปจฺจาคนฺตุํ, อภโพฺพ ทิฎฺฐิสมฺปโนฺน ปุคฺคโล อสยํการญฺจ อปรํการญฺจ อธิจฺจสมุปฺปนฺนํ สุขทุกฺขํ ปจฺจาคนฺตุํฯ ตํ กิสฺส เหตุ? ตถา หิสฺส, ภิกฺขเว, ทิฎฺฐิสมฺปนฺนสฺส ปุคฺคลสฺส เหตุ จ สุทิโฎฺฐ เหตุสมุปฺปนฺนา จ ธมฺมาฯ อิมานิ โข, ภิกฺขเว, ฉ อภพฺพฎฺฐานานี’’ติฯ เอกาทสมํฯ
95. ‘‘Chayimāni , bhikkhave, abhabbaṭṭhānāni. Katamāni cha? Abhabbo diṭṭhisampanno puggalo sayaṃkataṃ sukhadukkhaṃ paccāgantuṃ, abhabbo diṭṭhisampanno puggalo paraṃkataṃ 2 sukhadukkhaṃ paccāgantuṃ, abhabbo diṭṭhisampanno puggalo sayaṃkatañca paraṃkatañca sukhadukkhaṃ paccāgantuṃ, abhabbo diṭṭhisampanno puggalo asayaṃkāraṃ adhiccasamuppannaṃ sukhadukkhaṃ paccāgantuṃ, abhabbo diṭṭhisampanno puggalo aparaṃkāraṃ adhiccasamuppannaṃ sukhadukkhaṃ paccāgantuṃ, abhabbo diṭṭhisampanno puggalo asayaṃkārañca aparaṃkārañca adhiccasamuppannaṃ sukhadukkhaṃ paccāgantuṃ. Taṃ kissa hetu? Tathā hissa, bhikkhave, diṭṭhisampannassa puggalassa hetu ca sudiṭṭho hetusamuppannā ca dhammā. Imāni kho, bhikkhave, cha abhabbaṭṭhānānī’’ti. Ekādasamaṃ.
ตสฺสุทฺทานํ –
Tassuddānaṃ –
สีติภาวํ อาวรณํ, โวโรปิตา สุสฺสูสติ;
Sītibhāvaṃ āvaraṇaṃ, voropitā sussūsati;
อปฺปหาย ปหีนาภโพฺพ, ตฎฺฐานา จตุโรปิ จาติฯ
Appahāya pahīnābhabbo, taṭṭhānā caturopi cāti.
Footnotes:
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / องฺคุตฺตรนิกาย (อฎฺฐกถา) • Aṅguttaranikāya (aṭṭhakathā) / ๘-๑๑. อภพฺพฎฺฐานสุตฺตจตุกฺกวณฺณนา • 8-11. Abhabbaṭṭhānasuttacatukkavaṇṇanā
ฎีกา • Tīkā / สุตฺตปิฎก (ฎีกา) • Suttapiṭaka (ṭīkā) / องฺคุตฺตรนิกาย (ฎีกา) • Aṅguttaranikāya (ṭīkā) / ๒-๑๑. อาวรณสุตฺตาทิวณฺณนา • 2-11. Āvaraṇasuttādivaṇṇanā
