| Library / Tipiṭaka / තිපිටක • Tipiṭaka / සංයුත්‌තනිකාය (අට්‌ඨකථා) • Saṃyuttanikāya (aṭṭhakathā) |
6-11. ඡෙදනසුත්‌තාදිවණ්‌ණනා
6-11. Chedanasuttādivaṇṇanā
1166-71. ඡෙදනාදීසු ඡෙදනන්‌ති හත්‌ථච්‌ඡෙදනාදි. වධොති මරණං. බන්‌ධොති රජ්‌ජුබන්‌ධනාදීහි බන්‌ධනං. විපරාමොසොති හිමවිපරාමොසො, ගුම්‌බවිපරාමොසොති දුවිධො. යං හිමපාතසමයෙ හිමෙන පටිච්‌ඡන්‌නා හුත්‌වා මග්‌ගපටිපන්‌නං ජනං මුසන්‌ති, අයං හිමවිපරාමොසො. යං ගුම්‌බාදිපටිච්‌ඡන්‌නා මුසන්‌ති, අයං ගුම්‌බවිපරාමොසො.
1166-71.Chedanādīsu chedananti hatthacchedanādi. Vadhoti maraṇaṃ. Bandhoti rajjubandhanādīhi bandhanaṃ. Viparāmosoti himaviparāmoso, gumbaviparāmosoti duvidho. Yaṃ himapātasamaye himena paṭicchannā hutvā maggapaṭipannaṃ janaṃ musanti, ayaṃ himaviparāmoso. Yaṃ gumbādipaṭicchannā musanti, ayaṃ gumbaviparāmoso.
ආලොපො වුච්‌චති ගාමනිගමාදීනං විලොපකරණං. සහසාකාරොති සාහසකිරියා, ගෙහං පවිසිත්‌වා, මනුස්‌සානං උරෙ සත්‌ථං ඨපෙත්‌වා, ඉච්‌ඡිතභණ්‌ඩග්‌ගහණං. එවමෙතස්‌මා ඡෙදනවධබන්‌ධනවිපරාමොසආලොපසහසාකාරා පටිවිරතා. සෙසං සබ්‌බත්‌ථ උත්‌තානත්‌ථමෙවාති.
Ālopo vuccati gāmanigamādīnaṃ vilopakaraṇaṃ. Sahasākāroti sāhasakiriyā, gehaṃ pavisitvā, manussānaṃ ure satthaṃ ṭhapetvā, icchitabhaṇḍaggahaṇaṃ. Evametasmā chedanavadhabandhanaviparāmosaālopasahasākārā paṭiviratā. Sesaṃ sabbattha uttānatthamevāti.
ආමකධඤ්‌ඤපෙය්‍යාලවණ්‌ණනා නිට්‌ඨිතා.
Āmakadhaññapeyyālavaṇṇanā niṭṭhitā.
ඉති සාරත්‌ථප්‌පකාසිනියා සංයුත්‌තනිකාය-අට්‌ඨකථාය
Iti sāratthappakāsiniyā saṃyuttanikāya-aṭṭhakathāya
මහාවග්‌ගවණ්‌ණනා නිට්‌ඨිතා.
Mahāvaggavaṇṇanā niṭṭhitā.
Related texts:
තිපිටක (මූල) • Tipiṭaka (Mūla) / සුත්‌තපිටක • Suttapiṭaka / සංයුත්‌තනිකාය • Saṃyuttanikāya / 6-11. ඡෙදනාදිසුත්‌තං • 6-11. Chedanādisuttaṃ
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / සංයුත්‌තනිකාය (ටීකා) • Saṃyuttanikāya (ṭīkā) / 6-11. ඡෙදනසුත්‌තාදිවණ්‌ණනා • 6-11. Chedanasuttādivaṇṇanā
