| Library / Tipiṭaka / තිපිටක • Tipiṭaka / මිලින්‌දපඤ්‌හපාළි • Milindapañhapāḷi |
10. චිරකතසරණපඤ්‌හො
10. Cirakatasaraṇapañho
10. රාජා ආහ ‘‘භන්‌තෙ නාගසෙන, කෙන අතීතං චිරකතං සරතී’’ති? ‘‘සතියා, මහාරාජා’’ති. ‘‘නනු, භන්‌තෙ නාගසෙන, චිත්‌තෙන සරති නො සතියා’’ති? ‘‘අභිජානාසි නු, ත්‌වං මහාරාජ, කිඤ්‌චිදෙව කරණීයං කත්‌වා පමුට්‌ඨ’’න්‌ති? ‘‘ආම භන්‌තෙ’’ති. ‘‘කිං නු ඛො, ත්‌වං මහාරාජ, තස්‌මිං සමයෙ අචිත්‌තකො අහොසී’’ති? ‘‘න හි, භන්‌තෙ, සති තස්‌මිං සමයෙ නාහොසී’’ති. ‘‘අථ කස්‌මා, ත්‌වං මහාරාජ, එවමාහ ‘චිත්‌තෙන සරති, නො සතියා’’’ති?
10. Rājā āha ‘‘bhante nāgasena, kena atītaṃ cirakataṃ saratī’’ti? ‘‘Satiyā, mahārājā’’ti. ‘‘Nanu, bhante nāgasena, cittena sarati no satiyā’’ti? ‘‘Abhijānāsi nu, tvaṃ mahārāja, kiñcideva karaṇīyaṃ katvā pamuṭṭha’’nti? ‘‘Āma bhante’’ti. ‘‘Kiṃ nu kho, tvaṃ mahārāja, tasmiṃ samaye acittako ahosī’’ti? ‘‘Na hi, bhante, sati tasmiṃ samaye nāhosī’’ti. ‘‘Atha kasmā, tvaṃ mahārāja, evamāha ‘cittena sarati, no satiyā’’’ti?
‘‘කල්‌ලොසි, භන්‌තෙ නාගසෙනා’’ති.
‘‘Kallosi, bhante nāgasenā’’ti.
චිරකතසරණපඤ්‌හො දසමො.
Cirakatasaraṇapañho dasamo.
