| Library / Tipiṭaka / ติปิฎก • Tipiṭaka / ชาตกปาฬิ • Jātakapāḷi |
๔๓๘. ททฺทรชาตกํ (๑๒)
438. Daddarajātakaṃ (12)
๑๐๕.
105.
โย เต ปุตฺตเก อขาทิ, ทินฺนภโตฺต อทูสเก;
Yo te puttake akhādi, dinnabhatto adūsake;
ตสฺมิํ ทาฐํ นิปาเตหิ, มา เต มุจฺจิตฺถ ชีวโตฯ
Tasmiṃ dāṭhaṃ nipātehi, mā te muccittha jīvato.
๑๐๖.
106.
อากิณฺณลุโทฺท ปุริโส, ธาติเจลํว มกฺขิโต;
Ākiṇṇaluddo puriso, dhāticelaṃva makkhito;
ปเทสํ ตํ น ปสฺสามิ, ยตฺถ ทาฐํ นิปาตเยฯ
Padesaṃ taṃ na passāmi, yattha dāṭhaṃ nipātaye.
๑๐๗.
107.
อกตญฺญุสฺส โปสสฺส, นิจฺจํ วิวรทสฺสิโน;
Akataññussa posassa, niccaṃ vivaradassino;
สพฺพํ เจ ปถวิํ ทชฺชา, เนว นํ อภิราธเยฯ
Sabbaṃ ce pathaviṃ dajjā, neva naṃ abhirādhaye.
๑๐๘.
108.
กินฺนุ สุพาหุ ตรมานรูโป, ปจฺจาคโตสิ สห มาณเวน;
Kinnu subāhu taramānarūpo, paccāgatosi saha māṇavena;
กิํ กิจฺจมตฺถํ อิธมตฺถิ ตุยฺหํ, อกฺขาหิ เม ปุจฺฉิโต เอตมตฺถํฯ
Kiṃ kiccamatthaṃ idhamatthi tuyhaṃ, akkhāhi me pucchito etamatthaṃ.
๑๐๙.
109.
โย เต สขา ททฺทโร สาธุรูโป, ตสฺส วธํ ปริสงฺกามิ อชฺช;
Yo te sakhā daddaro sādhurūpo, tassa vadhaṃ parisaṅkāmi ajja;
ปุริสสฺส กมฺมายตนานิ สุตฺวา, นาหํ สุขิํ ททฺทรํ อชฺช มเญฺญฯ
Purisassa kammāyatanāni sutvā, nāhaṃ sukhiṃ daddaraṃ ajja maññe.
๑๑๐.
110.
กานิสฺส กมฺมายตนานิ อสฺสุ, ปุริสสฺส วุตฺติสโมธานตาย;
Kānissa kammāyatanāni assu, purisassa vuttisamodhānatāya;
กํ วา ปฎิญฺญํ ปุริสสฺส สุตฺวา, ปริสงฺกสิ ททฺทรํ มาณเวนฯ
Kaṃ vā paṭiññaṃ purisassa sutvā, parisaṅkasi daddaraṃ māṇavena.
๑๑๑.
111.
จิณฺณา กลิงฺคา จริตา วณิชฺชา, เวตฺตาจโร สงฺกุปโถปิ จิโณฺณ;
Ciṇṇā kaliṅgā caritā vaṇijjā, vettācaro saṅkupathopi ciṇṇo;
นเฎหิ จิณฺณํ สห วากุเรหิ 1, ทเณฺฑน ยุทฺธมฺปิ สมชฺชมเชฺฌฯ
Naṭehi ciṇṇaṃ saha vākurehi 2, daṇḍena yuddhampi samajjamajjhe.
๑๑๒.
112.
๑๑๓.
113.
ตานิสฺส กมฺมายตนานิ อสฺสุ, ปุริสสฺส วุตฺติสโมธานตาย;
Tānissa kammāyatanāni assu, purisassa vuttisamodhānatāya;
ยถา อยํ ทิสฺสติ โลมปิโณฺฑ, คาโว หตา กิํ ปน ททฺทรสฺสาติฯ
Yathā ayaṃ dissati lomapiṇḍo, gāvo hatā kiṃ pana daddarassāti.
ททฺทรชาตกํ ทฺวาทสมํฯ
Daddarajātakaṃ dvādasamaṃ.
นวกนิปาตํ นิฎฺฐิตํฯ
Navakanipātaṃ niṭṭhitaṃ.
ตสฺสุทฺทานํ –
Tassuddānaṃ –
วรคิชฺฌ สมชฺชน หํสวโร, นิธิสวฺหย หาริต ปาฎลิโก;
Varagijjha samajjana haṃsavaro, nidhisavhaya hārita pāṭaliko;
อชรามร ธงฺก ติติกฺข กุโต, อถ ทฺวาทส เปกฺขน ททฺทริภีติฯ
Ajarāmara dhaṅka titikkha kuto, atha dvādasa pekkhana daddaribhīti.
Footnotes:
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / ขุทฺทกนิกาย (อฎฺฐกถา) • Khuddakanikāya (aṭṭhakathā) / ชาตก-อฎฺฐกถา • Jātaka-aṭṭhakathā / [๔๓๘] ๑๒. ททฺทรชาตกวณฺณนา • [438] 12. Daddarajātakavaṇṇanā
