| Library / Tipiṭaka / තිපිටක • Tipiṭaka / පඤ්‌චපකරණ-අනුටීකා • Pañcapakaraṇa-anuṭīkā |
10. දසමනයො විප්‌පයුත්‌තෙනවිප්‌පයුත්‌තපදවණ්‌ණනා
10. Dasamanayo vippayuttenavippayuttapadavaṇṇanā
353. යෙ විප්‌පයුත්‌තෙන විප්‌පයුත්‌තභාවෙන පාළියං අග්‌ගහිතා, තෙසු කෙචි විප්‌පයුත්‌තස්‌ස ධම්‌මන්‌තරස්‌ස අභාවතො කෙචි ඛන්‌ධාදීහි විප්‌පයොගස්‌සෙව අසම්‌භවතොති ඉමමත්‌ථං දස්‌සෙන්‌තො ‘‘ධම්‌මායතනාදිධම්‌මා’’තිආදිමාහ. තත්‌ථ සබ්‌බචිත්‌තුප්‌පාදගතධම්‌මභාවතොති ඉමිනා භින්‌නකාලතාදිවිසෙසවතො අරූපක්‌ඛන්‌ධස්‌ස විප්‌පයුත්‌තස්‌ස ධම්‌මන්‌තරස්‌ස අභාවමාහ, අනාරම්‌මණමිස්‌සකභාවතොති ඉමිනා පන සබ්‌බස්‌සපි. කාමභවො උපපත්‌තිභවො සඤ්‌ඤීභවො පඤ්‌චවොකාරභවොති ඉමෙ චත්‌තාරො මහාභවා. විප්‌පයොගාභාවතොති විප්‌පයොගාසම්‌භවතො. න හි යෙ දුක්‌ඛසච්‌චාදීහි විප්‌පයුත්‌තා, තෙහි විප්‌පයුත්‌තානං තෙසංයෙව දුක්‌ඛසච්‌චාදීනං ඛන්‌ධාදීසු කෙනචි විප්‌පයොගො සම්‌භවති.
353. Ye vippayuttena vippayuttabhāvena pāḷiyaṃ aggahitā, tesu keci vippayuttassa dhammantarassa abhāvato keci khandhādīhi vippayogasseva asambhavatoti imamatthaṃ dassento ‘‘dhammāyatanādidhammā’’tiādimāha. Tattha sabbacittuppādagatadhammabhāvatoti iminā bhinnakālatādivisesavato arūpakkhandhassa vippayuttassa dhammantarassa abhāvamāha, anārammaṇamissakabhāvatoti iminā pana sabbassapi. Kāmabhavo upapattibhavo saññībhavo pañcavokārabhavoti ime cattāro mahābhavā. Vippayogābhāvatoti vippayogāsambhavato. Na hi ye dukkhasaccādīhi vippayuttā, tehi vippayuttānaṃ tesaṃyeva dukkhasaccādīnaṃ khandhādīsu kenaci vippayogo sambhavati.
දසමනයවිප්‌පයුත්‌තෙනවිප්‌පයුත්‌තපදවණ්‌ණනා නිට්‌ඨිතා.
Dasamanayavippayuttenavippayuttapadavaṇṇanā niṭṭhitā.
Related texts:
තිපිටක (මූල) • Tipiṭaka (Mūla) / අභිධම්‌මපිටක • Abhidhammapiṭaka / ධාතුකථාපාළි • Dhātukathāpāḷi / 10. විප්‌පයුත්‌තෙනවිප්‌පයුත්‌තපදනිද්‌දෙසො • 10. Vippayuttenavippayuttapadaniddeso
අට්‌ඨකථා • Aṭṭhakathā / අභිධම්‌මපිටක (අට්‌ඨකථා) • Abhidhammapiṭaka (aṭṭhakathā) / පඤ්‌චපකරණ-අට්‌ඨකථා • Pañcapakaraṇa-aṭṭhakathā / 10. දසමනයො විප්‌පයුත්‌තෙනවිප්‌පයුත්‌තපදවණ්‌ණනා • 10. Dasamanayo vippayuttenavippayuttapadavaṇṇanā
ටීකා • Tīkā / අභිධම්‌මපිටක (ටීකා) • Abhidhammapiṭaka (ṭīkā) / පඤ්‌චපකරණ-මූලටීකා • Pañcapakaraṇa-mūlaṭīkā / 10. දසමනයො විප්‌පයුත්‌තෙනවිප්‌පයුත්‌තපදවණ්‌ණනා • 10. Dasamanayo vippayuttenavippayuttapadavaṇṇanā
