| Library / Tipiṭaka / တိပိဋက • Tipiṭaka / သံယုတ္တနိကာယ • Saṃyuttanikāya |
၄. ဒီဃလောမိကသုတ္တံ
4. Dīghalomikasuttaṃ
၁၆၀. သာဝတ္ထိယံ ဝိဟရတိ။ပေ.။ ‘‘ဒာရုဏော, ဘိက္ခဝေ, လာဘသက္ကာရသိလောကော။ပေ.။ အဓိဂမာယ။ သေယ္ယထာပိ, ဘိက္ခဝေ, ဒီဃလောမိကာ ဧဠကာ ကဏ္ဋကဂဟနံ ပဝိသေယ္ယ။ သာ တတ္ရ တတ္ရ သဇ္ဇေယ္ယ, တတ္ရ တတ္ရ ဂယ္ဟေယ္ယ 1, တတ္ရ တတ္ရ ဗဇ္ဈေယ္ယ, တတ္ရ တတ္ရ အနယဗ္ယသနံ အာပဇ္ဇေယ္ယ။ ‘ဧဝမေဝ ခော, ဘိက္ခဝေ, ဣဓေကစ္စော ဘိက္ခု လာဘသက္ကာရသိလောကေန အဘိဘူတော ပရိယာဒိဏ္ဏစိတ္တော ပုဗ္ဗဏ္ဟသမယံ နိဝာသေတ္ဝာ ပတ္တစီဝရမာဒာယ ဂာမံ ဝာ နိဂမံ ဝာ ပိဏ္ဍာယ ပဝိသတိ။ သော တတ္ရ တတ္ရ သဇ္ဇတိ, တတ္ရ တတ္ရ ဂယ္ဟတိ, တတ္ရ တတ္ရ ဗဇ္ဈတိ, တတ္ရ တတ္ရ အနယဗ္ယသနံ အာပဇ္ဇတိ။ ဧဝံ ဒာရုဏော ခော, ဘိက္ခဝေ, လာဘသက္ကာရသိလောကော။ပေ.။ ဧဝဉ္ဟိ ဝော, ဘိက္ခဝေ, သိက္ခိတဗ္ဗ’’’န္တိ။ စတုတ္ထံ။
160. Sāvatthiyaṃ viharati…pe… ‘‘dāruṇo, bhikkhave, lābhasakkārasiloko…pe… adhigamāya. Seyyathāpi, bhikkhave, dīghalomikā eḷakā kaṇṭakagahanaṃ paviseyya. Sā tatra tatra sajjeyya, tatra tatra gayheyya 2, tatra tatra bajjheyya, tatra tatra anayabyasanaṃ āpajjeyya. ‘Evameva kho, bhikkhave, idhekacco bhikkhu lābhasakkārasilokena abhibhūto pariyādiṇṇacitto pubbaṇhasamayaṃ nivāsetvā pattacīvaramādāya gāmaṃ vā nigamaṃ vā piṇḍāya pavisati. So tatra tatra sajjati, tatra tatra gayhati, tatra tatra bajjhati, tatra tatra anayabyasanaṃ āpajjati. Evaṃ dāruṇo kho, bhikkhave, lābhasakkārasiloko…pe… evañhi vo, bhikkhave, sikkhitabba’’’nti. Catutthaṃ.
Footnotes:
Related texts:
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) / ၃-၄. ကုမ္မသုတ္တာဒိဝဏ္ဏနာ • 3-4. Kummasuttādivaṇṇanā
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / သံယုတ္တနိကာယ (ဋီကာ) • Saṃyuttanikāya (ṭīkā) / ၃-၄. ကုမ္မသုတ္တာဒိဝဏ္ဏနာ • 3-4. Kummasuttādivaṇṇanā
