Library / Tipiṭaka / တိပိဋက • Tipiṭaka / သံယုတ္တနိကာယ • Saṃyuttanikāya |
၈. ဒုတိယဗ္ရဟ္မညသုတ္တံ
8. Dutiyabrahmaññasuttaṃ
၃၈. သာဝတ္ထိနိဒာနံ။ ‘‘ဗ္ရဟ္မညဉ္စ ဝော, ဘိက္ခဝေ, ဒေသေသ္သာမိ, ဗ္ရဟ္မညတ္ထဉ္စ။ တံ သုဏာထ။ ကတမဉ္စ, ဘိက္ခဝေ, ဗ္ရဟ္မညံ? အယမေဝ အရိယော အဋ္ဌင္ဂိကော မဂ္ဂော, သေယ္ယထိဒံ – သမ္မာဒိဋ္ဌိ။ပေ.။ သမ္မာသမာဓိ။ ဣဒံ ဝုစ္စတိ, ဘိက္ခဝေ, ဗ္ရဟ္မညံ။ ကတမော စ, ဘိက္ခဝေ, ဗ္ရဟ္မညတ္ထော? ယော ခော, ဘိက္ခဝေ, ရာဂက္ခယော ဒောသက္ခယော မောဟက္ခယော – အယံ ဝုစ္စတိ, ဘိက္ခဝေ, ဗ္ရဟ္မညတ္ထော’’တိ။ အဋ္ဌမံ။
38. Sāvatthinidānaṃ. ‘‘Brahmaññañca vo, bhikkhave, desessāmi, brahmaññatthañca. Taṃ suṇātha. Katamañca, bhikkhave, brahmaññaṃ? Ayameva ariyo aṭṭhaṅgiko maggo, seyyathidaṃ – sammādiṭṭhi…pe… sammāsamādhi. Idaṃ vuccati, bhikkhave, brahmaññaṃ. Katamo ca, bhikkhave, brahmaññattho? Yo kho, bhikkhave, rāgakkhayo dosakkhayo mohakkhayo – ayaṃ vuccati, bhikkhave, brahmaññattho’’ti. Aṭṭhamaṃ.
Related texts:
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) / ၄. ပဋိပတ္တိဝဂ္ဂဝဏ္ဏနာ • 4. Paṭipattivaggavaṇṇanā
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / သံယုတ္တနိကာယ (ဋီကာ) • Saṃyuttanikāya (ṭīkā) / ၄. ပဋိပတ္တိဝဂ္ဂဝဏ္ဏနာ • 4. Paṭipattivaggavaṇṇanā