| Library / Tipiṭaka / තිපිටක • Tipiṭaka / සංයුත්‌තනිකාය (ටීකා) • Saṃyuttanikāya (ṭīkā) |
2. දුතියකස්‌සපසුත්‌තවණ්‌ණනා
2. Dutiyakassapasuttavaṇṇanā
83. ද්‌වීහි ඣානෙහීති ආරම්‌මණලක්‌ඛණූපනිජ්‌ඣානලක්‌ඛණෙහි ද්‌වීහි ඣානෙහි. කම්‌මට්‌ඨානවිමුත්‌තියාති කම්‌මට්‌ඨානානුයොගලද්‌ධාය විමුත්‌තියා. තෙන තදඞ්‌ගවික්‌ඛම්‌භනවිමුත්‌තියො වදති. සත්‌ථුසාසනස්‌ස හදයත්‌තා අබ්‌භන්‌තරත්‌තා හදයස්‌ස මානසස්‌ස, අනුපත්‌තිං පටිලාභමානසං. තං පන අත්‌ථතො අඤ්‌ඤා එවාති ආහ ‘‘අරහත්‌ත’’න්‌ති. තං පත්‌තුකාමෙන එකන්‌තතො වජ්‌ජෙතබ්‌බතණ්‌හාදිට්‌ඨීනං භාවෙ තස්‌ස අනිජ්‌ඣනතො, තදභාවෙ ඉජ්‌ඣනතො ච තෙ උප්‌පාදනවසෙන යදග්‌ගෙන නිස්‌සිතො, තදග්‌ගෙන පනායම්‌පි තෙහි නිස්‌සිතො නාම හොතීති ආහ ‘‘අනිස්‌සිතො’’තිආදි. අරහත්‌තං ආනිසංසිතබ්‌බට්‌ඨෙන ආනිසංසං එතස්‌සාති අරහත්‌තානිසංසො. අරහත්‌තං පත්‌තුකාමස්‌ස පුබ්‌බභාගපටිපදා ඉච්‌ඡිතබ්‌බා. තත්‌ථ ච සබ්‌බපඨමො කම්‌මට්‌ඨානඅත්‌තානුයොගො, සො ඉධ න ගහිතොති ආහ ‘‘තන්‌තිධම්‌මො පුබ්‌බභාගො’’ති. තත්‌ථ තන්‌තිධම්‌මොති පරියත්‌තිධම්‌මො.
83.Dvīhi jhānehīti ārammaṇalakkhaṇūpanijjhānalakkhaṇehi dvīhi jhānehi. Kammaṭṭhānavimuttiyāti kammaṭṭhānānuyogaladdhāya vimuttiyā. Tena tadaṅgavikkhambhanavimuttiyo vadati. Satthusāsanassa hadayattā abbhantarattā hadayassa mānasassa, anupattiṃ paṭilābhamānasaṃ. Taṃ pana atthato aññā evāti āha ‘‘arahatta’’nti. Taṃ pattukāmena ekantato vajjetabbataṇhādiṭṭhīnaṃ bhāve tassa anijjhanato, tadabhāve ijjhanato ca te uppādanavasena yadaggena nissito, tadaggena panāyampi tehi nissito nāma hotīti āha ‘‘anissito’’tiādi. Arahattaṃ ānisaṃsitabbaṭṭhena ānisaṃsaṃ etassāti arahattānisaṃso. Arahattaṃ pattukāmassa pubbabhāgapaṭipadā icchitabbā. Tattha ca sabbapaṭhamo kammaṭṭhānaattānuyogo, so idha na gahitoti āha ‘‘tantidhammo pubbabhāgo’’ti. Tattha tantidhammoti pariyattidhammo.
දුතියකස්‌සපසුත්‌තවණ්‌ණනා නිට්‌ඨිතා.
Dutiyakassapasuttavaṇṇanā niṭṭhitā.
Related texts:
තිපිටක (මූල) • Tipiṭaka (Mūla) / සුත්‌තපිටක • Suttapiṭaka / සංයුත්‌තනිකාය • Saṃyuttanikāya / 2. දුතියකස්‌සපසුත්‌තං • 2. Dutiyakassapasuttaṃ
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / සංයුත්‌තනිකාය (අට්‌ඨකථා) • Saṃyuttanikāya (aṭṭhakathā) / 2. දුතියකස්‌සපසුත්‌තවණ්‌ණනා • 2. Dutiyakassapasuttavaṇṇanā
