| Library / Tipiṭaka / තිපිටක • Tipiṭaka / සංයුත්‌තනිකාය (අට්‌ඨකථා) • Saṃyuttanikāya (aṭṭhakathā) |
7. දුතියමිත්‌තාමච්‌චසුත්‌තවණ්‌ණනා
7. Dutiyamittāmaccasuttavaṇṇanā
1013. සත්‌තමෙ අඤ්‌ඤථත්‌තං නාම පසාදඤ්‌ඤථත්‌තං භාවඤ්‌ඤථත්‌තං ගතිඅඤ්‌ඤථත්‌තං ලක්‌ඛණඤ්‌ඤථත්‌තං විපරිණාමඤ්‌ඤථත්‌තන්‌ති අනෙකවිධං. තත්‌ථ මහාභූතෙසු භාවඤ්‌ඤථත්‌තං අධිප්‌පෙතං. සුවණ්‌ණාදිභාවෙන හි ඝනසණ්‌ඨිතාය පථවිධාතුයා විලීයිත්‌වා උදකභාවං ආපජ්‌ජමානාය පුරිමභාවො විගච්‌ඡති, භාවඤ්‌ඤථත්‌තං පඤ්‌ඤායති. ලක්‌ඛණං පන න විගච්‌ඡති, කක්‌ඛළලක්‌ඛණාව හොති. උච්‌ඡුරසාදිභාවෙන ච යූසාකාරසණ්‌ඨිතාය ආපොධාතුයා සුස්‌සිත්‌වා ඝනපථවිභාවං ආපජ්‌ජමානාය පුරිමභාවො විගච්‌ඡති, භාවඤ්‌ඤථත්‌තං පඤ්‌ඤායති. ලක්‌ඛණං පන න විගච්‌ඡති, ආබන්‌ධනලක්‌ඛණාව හොති. තත්‍රිදං අඤ්‌ඤථත්‌තන්‌ති එත්‌ථ පන ගතිඅඤ්‌ඤථත්‌තං අධිප්‌පෙතං, තඤ්‌හි අරියසාවකස්‌ස නත්‌ථි. පසාදඤ්‌ඤථත්‌තම්‌පි නත්‌ථියෙව, ඉධ පන පසාදඵලං පකාසෙතුං ගතිඅඤ්‌ඤථත්‌තමෙව දස්‌සිතං. සෙසං සබ්‌බත්‌ථ උත්‌තානමෙවාති.
1013. Sattame aññathattaṃ nāma pasādaññathattaṃ bhāvaññathattaṃ gatiaññathattaṃ lakkhaṇaññathattaṃ vipariṇāmaññathattanti anekavidhaṃ. Tattha mahābhūtesu bhāvaññathattaṃ adhippetaṃ. Suvaṇṇādibhāvena hi ghanasaṇṭhitāya pathavidhātuyā vilīyitvā udakabhāvaṃ āpajjamānāya purimabhāvo vigacchati, bhāvaññathattaṃ paññāyati. Lakkhaṇaṃ pana na vigacchati, kakkhaḷalakkhaṇāva hoti. Ucchurasādibhāvena ca yūsākārasaṇṭhitāya āpodhātuyā sussitvā ghanapathavibhāvaṃ āpajjamānāya purimabhāvo vigacchati, bhāvaññathattaṃ paññāyati. Lakkhaṇaṃ pana na vigacchati, ābandhanalakkhaṇāva hoti. Tatridaṃ aññathattanti ettha pana gatiaññathattaṃ adhippetaṃ, tañhi ariyasāvakassa natthi. Pasādaññathattampi natthiyeva, idha pana pasādaphalaṃ pakāsetuṃ gatiaññathattameva dassitaṃ. Sesaṃ sabbattha uttānamevāti.
රාජකාරාමවග්‌ගො දුතියො.
Rājakārāmavaggo dutiyo.
Related texts:
තිපිටක (මූල) • Tipiṭaka (Mūla) / සුත්‌තපිටක • Suttapiṭaka / සංයුත්‌තනිකාය • Saṃyuttanikāya / 7. දුතියමිත්‌තාමච්‌චසුත්‌තං • 7. Dutiyamittāmaccasuttaṃ
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / සංයුත්‌තනිකාය (ටීකා) • Saṃyuttanikāya (ṭīkā) / 7. දුතියමිත්‌තාමච්‌චසුත්‌තවණ්‌ණනා • 7. Dutiyamittāmaccasuttavaṇṇanā
