| Library / Tipiṭaka / තිපිටක • Tipiṭaka / ඉතිවුත්‌තක-අට්‌ඨකථා • Itivuttaka-aṭṭhakathā |
9. දුතියනකුහනසුත්‌තවණ්‌ණනා
9. Dutiyanakuhanasuttavaṇṇanā
36. නවමෙ අභිඤ්‌ඤත්‌ථන්‌ති කුසලාදිවිභාගෙන ඛන්‌ධාදිවිභාගෙන ච සබ්‌බධම්‌මෙ අභිවිසිට්‌ඨෙන ඤාණෙන අවිපරීතතො ජානනත්‌ථං. පරිඤ්‌ඤත්‌ථන්‌ති තෙභූමකධම්‌මෙ ‘‘ඉදං දුක්‌ඛ’’න්‌තිආදිනා පරිජානනත්‌ථං සමතික්‌කමනත්‌ථඤ්‌ච. තත්‌ථ අභිඤ්‌ඤෙය්‍යඅභිජානනා චතුසච්‌චවිසයා. පරිඤ්‌ඤෙය්‍යපරිජානනා පන යදිපි දුක්‌ඛසච්‌චවිසයා, පහානසච්‌ඡිකිරියාභාවනාභිසමයෙහි පන විනා න පවත්‌තතීති පහානාදයොපි ඉධ ගහිතාති වෙදිතබ්‌බං. සෙසං අනන්‌තරසුත්‌තෙ වුත්‌තත්‌ථමෙව.
36. Navame abhiññatthanti kusalādivibhāgena khandhādivibhāgena ca sabbadhamme abhivisiṭṭhena ñāṇena aviparītato jānanatthaṃ. Pariññatthanti tebhūmakadhamme ‘‘idaṃ dukkha’’ntiādinā parijānanatthaṃ samatikkamanatthañca. Tattha abhiññeyyaabhijānanā catusaccavisayā. Pariññeyyaparijānanā pana yadipi dukkhasaccavisayā, pahānasacchikiriyābhāvanābhisamayehi pana vinā na pavattatīti pahānādayopi idha gahitāti veditabbaṃ. Sesaṃ anantarasutte vuttatthameva.
නවමසුත්‌තවණ්‌ණනා නිට්‌ඨිතා.
Navamasuttavaṇṇanā niṭṭhitā.
Related texts:
තිපිටක (මූල) • Tipiṭaka (Mūla) / සුත්‌තපිටක • Suttapiṭaka / ඛුද්‌දකනිකාය • Khuddakanikāya / ඉතිවුත්‌තකපාළි • Itivuttakapāḷi / 9. දුතියනකුහනසුත්‌තං • 9. Dutiyanakuhanasuttaṃ
