| Library / Tipiṭaka / တိပိဋက • Tipiṭaka / သံယုတ္တနိကာယ • Saṃyuttanikāya |
၂. ဒုတိယနတုမ္ဟာကံသုတ္တံ
2. Dutiyanatumhākaṃsuttaṃ
၃၄. သာဝတ္ထိနိဒာနံ ။ ‘‘ယံ, ဘိက္ခဝေ, န တုမ္ဟာကံ, တံ ပဇဟထ။ တံ ဝော ပဟီနံ ဟိတာယ သုခာယ ဘဝိသ္သတိ။ ကိဉ္စ, ဘိက္ခဝေ, န တုမ္ဟာကံ? ရူပံ, ဘိက္ခဝေ, န တုမ္ဟာကံ, တံ ပဇဟထ။ တံ ဝော ပဟီနံ ဟိတာယ သုခာယ ဘဝိသ္သတိ။ ဝေဒနာ န တုမ္ဟာကံ။ သညာ န တုမ္ဟာကံ။ သင္ခာရာ န တုမ္ဟာကံ။ ဝိညာဏံ န တုမ္ဟာကံ, တံ ပဇဟထ။ တံ ဝော ပဟီနံ ဟိတာယ သုခာယ ဘဝိသ္သတိ။ ယံ, ဘိက္ခဝေ, န တုမ္ဟာကံ တံ ပဇဟထ။ တံ ဝော ပဟီနံ ဟိတာယ သုခာယ ဘဝိသ္သတီ’’တိ။ ဒုတိယံ။
34. Sāvatthinidānaṃ . ‘‘Yaṃ, bhikkhave, na tumhākaṃ, taṃ pajahatha. Taṃ vo pahīnaṃ hitāya sukhāya bhavissati. Kiñca, bhikkhave, na tumhākaṃ? Rūpaṃ, bhikkhave, na tumhākaṃ, taṃ pajahatha. Taṃ vo pahīnaṃ hitāya sukhāya bhavissati. Vedanā na tumhākaṃ… saññā na tumhākaṃ… saṅkhārā na tumhākaṃ… viññāṇaṃ na tumhākaṃ, taṃ pajahatha. Taṃ vo pahīnaṃ hitāya sukhāya bhavissati. Yaṃ, bhikkhave, na tumhākaṃ taṃ pajahatha. Taṃ vo pahīnaṃ hitāya sukhāya bhavissatī’’ti. Dutiyaṃ.
Related texts:
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) / ၂. ဒုတိယနတုမ္ဟာကသုတ္တဝဏ္ဏနာ • 2. Dutiyanatumhākasuttavaṇṇanā
