| Library / Tipiṭaka / တိပိဋက • Tipiṭaka / သံယုတ္တနိကာယ • Saṃyuttanikāya |
၆. ဒုတိယနတုမ္ဟာကံသုတ္တံ
6. Dutiyanatumhākaṃsuttaṃ
၁၃၉. ‘‘ယံ, ဘိက္ခဝေ, န တုမ္ဟာကံ, တံ ပဇဟထ။ တံ ဝော ပဟီနံ ဟိတာယ သုခာယ ဘဝိသ္သတိ ။ ကိဉ္စ, ဘိက္ခဝေ, န တုမ္ဟာကံ? ရူပာ, ဘိက္ခဝေ, န တုမ္ဟာကံ; တေ ပဇဟထ။ တေ ဝော ပဟီနာ ဟိတာယ သုခာယ ဘဝိသ္သန္တိ။ သဒ္ဒာ။ ဂန္ဓာ။ ရသာ။ ဖောဋ္ဌဗ္ဗာ။ ဓမ္မာ န တုမ္ဟာကံ; တေ ပဇဟထ။ တေ ဝော ပဟီနာ ဟိတာယ သုခာယ ဘဝိသ္သန္တိ။ သေယ္ယထာပိ, ဘိက္ခဝေ, ယံ ဣမသ္မိံ ဇေတဝနေ။ပေ.။ ဧဝမေဝ ခော, ဘိက္ခဝေ, ရူပာ န တုမ္ဟာကံ; တေ ပဇဟထ။ တေ ဝော ပဟီနာ ဟိတာယ သုခာယ ဘဝိသ္သန္တီ’’တိ။ ဆဋ္ဌံ။
139. ‘‘Yaṃ, bhikkhave, na tumhākaṃ, taṃ pajahatha. Taṃ vo pahīnaṃ hitāya sukhāya bhavissati . Kiñca, bhikkhave, na tumhākaṃ? Rūpā, bhikkhave, na tumhākaṃ; te pajahatha. Te vo pahīnā hitāya sukhāya bhavissanti. Saddā… gandhā… rasā… phoṭṭhabbā… dhammā na tumhākaṃ; te pajahatha. Te vo pahīnā hitāya sukhāya bhavissanti. Seyyathāpi, bhikkhave, yaṃ imasmiṃ jetavane…pe… evameva kho, bhikkhave, rūpā na tumhākaṃ; te pajahatha. Te vo pahīnā hitāya sukhāya bhavissantī’’ti. Chaṭṭhaṃ.
Related texts:
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) / ၄-၁၂. ဒုတိယရူပာရာမသုတ္တာဒိဝဏ္ဏနာ • 4-12. Dutiyarūpārāmasuttādivaṇṇanā
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / သံယုတ္တနိကာယ (ဋီကာ) • Saṃyuttanikāya (ṭīkā) / ၄-၁၂. ဒုတိယရူပာရာမသုတ္တာဒိဝဏ္ဏနာ • 4-12. Dutiyarūpārāmasuttādivaṇṇanā
