Library / Tipiṭaka / တိပိဋက • Tipiṭaka / သံယုတ္တနိကာယ (ဋီကာ) • Saṃyuttanikāya (ṭīkā) |
၁၀. ဒုတိယပဇ္ဇုန္နဓီတုသုတ္တဝဏ္ဏနာ
10. Dutiyapajjunnadhītusuttavaṇṇanā
၄၀. ဗုဒ္ဓဉ္စ ဓမ္မဉ္စ နမသ္သမာနာတိ ဗုဒ္ဓသုဗုဒ္ဓတံ ဓမ္မသုဓမ္မတဉ္စ ဉတ္ဝာ တဒုဘယံ နမသ္သမာနာ။ ယသ္မာ ဗုဒ္ဓေ စ ဓမ္မေ စ ပသန္နော သင္ဃေ စ ပသန္နော ဧဝ ဟောတိ တသ္သ သုပ္ပဋိပတ္တိယာ ဝိဇာနနတော, တသ္မာ သော အတ္ထော ဂာထာယ စ-သဒ္ဒသင္ဂဟိတောတိ ဒသ္သေန္တော ‘‘စ-သဒ္ဒေန သင္ဃဉ္စာ’’တိ အာဟ အတ္ထဝတိယောတိ လောကိယလောကုတ္တရအတ္ထသင္ဂဟိတာ လောကိယကုသလလောကုတ္တရမဂ္ဂသင္ဂဏ္ဟနတော။ ယံ ဓမ္မံ သာ အဘာသီတိ ယံ တုမ္ဟာကံ ဓမ္မံ ပဋိဝိဇ္ဈိတ္ဝာ ဌိတာ, သာ မဟာကောကနဒာ အတ္တနော ဗလာနုရူပံ အဘာသိ။ ဗဟုနာတိ နာနပ္ပကာရေန။ ပရိယာယေနာတိ ကာရဏေန။ တာဒိသောတိ တထာရူပော တထာပဋိဝိဒ္ဓသစ္စော အတ္ထဓမ္မာဒီသု ကုသလော ဧကေကံ ပဒမ္ပိ ဥဒာဟရဏဟေတုနိဂမနာနိ နီဟရန္တော အာစိက္ခတိ ဒေသေတိ ပညပေတိ ပဌပေတိ ဝိဝရတိ ဝိဘဇတိ ဥတ္တာနီကရောတိ။ တေနာဟ ‘‘အယံ ဘဂဝာ’’တိအာဒိ။ ဧတေန အတိဝိယ ဝိတ္ထာရက္ခမော သုဂတဓမ္မောတိ ဒသ္သေတိ။ ပရိယာပုဋန္တိ ပရိဝတ္တိတံ။ ဧဝံ ဝိတ္ထာရက္ခမံ ဓမ္မံ ယသ္မာ ဒေဝဓီတာ ‘‘သံခိတ္တမတ္ထံ လပယိသ္သာမီ’’တိ အဝောစ, တသ္မာ ဝုတ္တံ ‘‘တသ္သတ္ထ’’န္တိအာဒိ။
40.Buddhañcadhammañca namassamānāti buddhasubuddhataṃ dhammasudhammatañca ñatvā tadubhayaṃ namassamānā. Yasmā buddhe ca dhamme ca pasanno saṅghe ca pasanno eva hoti tassa suppaṭipattiyā vijānanato, tasmā so attho gāthāya ca-saddasaṅgahitoti dassento ‘‘ca-saddena saṅghañcā’’ti āha atthavatiyoti lokiyalokuttaraatthasaṅgahitā lokiyakusalalokuttaramaggasaṅgaṇhanato. Yaṃ dhammaṃ sā abhāsīti yaṃ tumhākaṃ dhammaṃ paṭivijjhitvā ṭhitā, sā mahākokanadā attano balānurūpaṃ abhāsi. Bahunāti nānappakārena. Pariyāyenāti kāraṇena. Tādisoti tathārūpo tathāpaṭividdhasacco atthadhammādīsu kusalo ekekaṃ padampi udāharaṇahetunigamanāni nīharanto ācikkhati deseti paññapeti paṭhapeti vivarati vibhajati uttānīkaroti. Tenāha ‘‘ayaṃ bhagavā’’tiādi. Etena ativiya vitthārakkhamo sugatadhammoti dasseti. Pariyāpuṭanti parivattitaṃ. Evaṃ vitthārakkhamaṃ dhammaṃ yasmā devadhītā ‘‘saṃkhittamatthaṃ lapayissāmī’’ti avoca, tasmā vuttaṃ ‘‘tassattha’’ntiādi.
ဒုတိယပဇ္ဇုန္နဓီတုသုတ္တဝဏ္ဏနာ နိဋ္ဌိတာ။
Dutiyapajjunnadhītusuttavaṇṇanā niṭṭhitā.
သတုလ္လပကာယိကဝဂ္ဂဝဏ္ဏနာ နိဋ္ဌိတာ။
Satullapakāyikavaggavaṇṇanā niṭṭhitā.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / သံယုတ္တနိကာယ • Saṃyuttanikāya / ၁၀. ဒုတိယပဇ္ဇုန္နဓီတုသုတ္တံ • 10. Dutiyapajjunnadhītusuttaṃ
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) / ၁၀. ဒုတိယပဇ္ဇုန္နဓီတုသုတ္တဝဏ္ဏနာ • 10. Dutiyapajjunnadhītusuttavaṇṇanā