| Library / Tipiṭaka / တိပိဋက • Tipiṭaka / သံယုတ္တနိကာယ • Saṃyuttanikāya |
၁၂. ဒုတိယသိင္ဂာလသုတ္တံ
12. Dutiyasiṅgālasuttaṃ
၂၃၄. သာဝတ္ထိယံ ဝိဟရတိ။ပေ.။ ‘‘အသ္သုတ္ထ နော တုမ္ဟေ, ဘိက္ခဝေ, ရတ္တိယာ ပစ္စူသသမယံ ဇရသိင္ဂာလသ္သ ဝသ္သမာနသ္သာ’’တိ? ‘‘ဧဝံ, ဘန္တေ’’။ ‘‘သိယာ ခော, ဘိက္ခဝေ, တသ္မိံ ဇရသိင္ဂာလေ ယာ ကာစိ ကတညုတာ ကတဝေဒိတာ, န တ္ဝေဝ ဣဓေကစ္စေ သက္ယပုတ္တိယပဋိညေ သိယာ ယာ ကာစိ ကတညုတာ ကတဝေဒိတာ။ တသ္မာတိဟ, ဘိက္ခဝေ, ဧဝံ သိက္ခိတဗ္ဗံ – ‘ကတညုနော ဘဝိသ္သာမ ကတဝေဒိနော; န စ နော 1 အမ္ဟေသု အပ္ပကမ္ပိ ကတံ နသ္သိသ္သတီ’တိ 2။ ဧဝဉ္ဟိ ဝော, ဘိက္ခဝေ, သိက္ခိတဗ္ဗ’’န္တိ။ ဒ္ဝာဒသမံ။
234. Sāvatthiyaṃ viharati…pe… ‘‘assuttha no tumhe, bhikkhave, rattiyā paccūsasamayaṃ jarasiṅgālassa vassamānassā’’ti? ‘‘Evaṃ, bhante’’. ‘‘Siyā kho, bhikkhave, tasmiṃ jarasiṅgāle yā kāci kataññutā kataveditā, na tveva idhekacce sakyaputtiyapaṭiññe siyā yā kāci kataññutā kataveditā. Tasmātiha, bhikkhave, evaṃ sikkhitabbaṃ – ‘kataññuno bhavissāma katavedino; na ca no 3 amhesu appakampi kataṃ nassissatī’ti 4. Evañhi vo, bhikkhave, sikkhitabba’’nti. Dvādasamaṃ.
ဩပမ္မသံယုတ္တံ သမတ္တံ။
Opammasaṃyuttaṃ samattaṃ.
တသ္သုဒ္ဒာနံ –
Tassuddānaṃ –
ကူဋံ နခသိခံ ကုလံ၊ ဩက္ခာ သတ္တိ ဓနုဂ္ဂဟော။
Kūṭaṃ nakhasikhaṃ kulaṃ, okkhā satti dhanuggaho;
အာဏိ ကလိင္ဂရော နာဂော၊ ဗိဠာရော ဒ္ဝေ သိင္ဂာလကာတိ။
Āṇi kaliṅgaro nāgo, biḷāro dve siṅgālakāti.
Footnotes:
Related texts:
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) / ၁၂. ဒုတိယသိင္ဂာလသုတ္တဝဏ္ဏနာ • 12. Dutiyasiṅgālasuttavaṇṇanā
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / သံယုတ္တနိကာယ (ဋီကာ) • Saṃyuttanikāya (ṭīkā) / ၁၂. ဒုတိယသိင္ဂာလသုတ္တဝဏ္ဏနာ • 12. Dutiyasiṅgālasuttavaṇṇanā
