| Library / Tipiṭaka / ತಿಪಿಟಕ • Tipiṭaka / ಪಞ್ಚಪಕರಣ-ಅಟ್ಠಕಥಾ • Pañcapakaraṇa-aṭṭhakathā |
೫. ಏಕಮಗ್ಗಕಥಾವಣ್ಣನಾ
5. Ekamaggakathāvaṇṇanā
೮೧೦-೮೧೧. ಇದಾನಿ ಏಕಮಗ್ಗಕಥಾ ನಾಮ ಹೋತಿ। ತತ್ಥ ಯೇಸಂ ಬುದ್ಧೇ ಭಗವತಿ ಅಯೋನಿಸೋ ಪೇಮವಸೇನೇವ ‘‘ಭಗವಾ ಸೋತಾಪನ್ನೋ ಹುತ್ವಾ ಸಕದಾಗಾಮೀ, ಸಕದಾಗಾಮೀ ಹುತ್ವಾ ಅನಾಗಾಮೀ, ಅನಾಗಾಮೀ ಹುತ್ವಾ ಅರಹತ್ತಂ ಸಚ್ಛಾಕಾಸಿ, ಏಕೇನೇವ ಪನ ಅರಿಯಮಗ್ಗೇನ ಚತ್ತಾರಿ ಫಲಾನಿ ಸಚ್ಛಾಕಾಸೀ’’ತಿ ಲದ್ಧಿ, ಸೇಯ್ಯಥಾಪಿ ತೇಸಞ್ಞೇವ; ತೇ ಸನ್ಧಾಯ ಪುಚ್ಛಾ ಸಕವಾದಿಸ್ಸ, ಪಟಿಞ್ಞಾ ಇತರಸ್ಸ। ಅಥ ನಂ ಚತೂಹಿ ಫಲೇಹಿ ಸದ್ಧಿಂ ಉಪ್ಪನ್ನಾನಂ ಚತುನ್ನಂ ಫಸ್ಸಾದೀನಂ ಏಕತೋ ಸಮೋಧಾನವಸೇನ ಚೋದೇತುಂ ಚತುನ್ನಂ ಫಸ್ಸಾನನ್ತಿಆದಿಮಾಹ। ಸೋತಾಪತ್ತಿಮಗ್ಗೇನಾತಿಆದಿ ‘‘ಕತರಮಗ್ಗೇನ ಸಚ್ಛಿಕರೋತೀ’’ತಿ ಪುಚ್ಛನತ್ಥಂ ವುತ್ತಂ। ಅರಹತ್ತಮಗ್ಗೇನಾತಿ ಚ ವುತ್ತೇ ತೇನ ಸಕ್ಕಾಯದಿಟ್ಠಿಆದೀನಂ ಪಹಾನಾಭಾವವಸೇನ ಚೋದೇತಿ। ಭಗವಾ ಸೋತಾಪನ್ನೋತಿ ಬುದ್ಧಭೂತಸ್ಸ ಸೋತಾಪನ್ನಭಾವೋ ನತ್ಥೀತಿ ಪಟಿಕ್ಖಿಪತಿ। ಪರತೋ ಪಞ್ಹದ್ವಯೇಪಿ ಏಸೇವ ನಯೋ। ಸೇಸಮೇತ್ಥ ಯಥಾಪಾಳಿಮೇವ ನಿಯ್ಯಾತೀತಿ।
810-811. Idāni ekamaggakathā nāma hoti. Tattha yesaṃ buddhe bhagavati ayoniso pemavaseneva ‘‘bhagavā sotāpanno hutvā sakadāgāmī, sakadāgāmī hutvā anāgāmī, anāgāmī hutvā arahattaṃ sacchākāsi, ekeneva pana ariyamaggena cattāri phalāni sacchākāsī’’ti laddhi, seyyathāpi tesaññeva; te sandhāya pucchā sakavādissa, paṭiññā itarassa. Atha naṃ catūhi phalehi saddhiṃ uppannānaṃ catunnaṃ phassādīnaṃ ekato samodhānavasena codetuṃ catunnaṃ phassānantiādimāha. Sotāpattimaggenātiādi ‘‘kataramaggena sacchikarotī’’ti pucchanatthaṃ vuttaṃ. Arahattamaggenāti ca vutte tena sakkāyadiṭṭhiādīnaṃ pahānābhāvavasena codeti. Bhagavā sotāpannoti buddhabhūtassa sotāpannabhāvo natthīti paṭikkhipati. Parato pañhadvayepi eseva nayo. Sesamettha yathāpāḷimeva niyyātīti.
ಏಕಮಗ್ಗಕಥಾವಣ್ಣನಾ।
Ekamaggakathāvaṇṇanā.
Related texts:
ತಿಪಿಟಕ (ಮೂಲ) • Tipiṭaka (Mūla) / ಅಭಿಧಮ್ಮಪಿಟಕ • Abhidhammapiṭaka / ಕಥಾವತ್ಥುಪಾಳಿ • Kathāvatthupāḷi / (೧೮೧) ೫. ಏಕಮಗ್ಗಕಥಾ • (181) 5. Ekamaggakathā
