| Library / Tipiṭaka / තිපිටක • Tipiṭaka / චූළවග්‌ග-අට්‌ඨකථා • Cūḷavagga-aṭṭhakathā |
ගමිකවත්‌තකථා
Gamikavattakathā
360. ගමිකවත්‌තෙසු දාරුභණ්‌ඩන්‌ති සෙනාසනක්‌ඛන්‌ධකෙ වුත්‌තං මඤ්‌චපීඨාදි. මත්‌තිකාභණ්‌ඩම්‌පි රජනභාජනාදි සබ්‌බං තත්‌ථ වුත්‌තප්‌පභෙදමෙව. තං සබ්‌බං අග්‌ගිසාලාය වා අඤ්‌ඤතරස්‌මිං වා ගුත්‌තට්‌ඨානෙ පටිසාමෙත්‌වා ගන්‌තබ්‌බං. අනොවස්‌සකෙ පබ්‌භාරෙපි ඨපෙතුං වට්‌ටති. සෙනාසනං ආපුච්‌ඡිතබ්‌බන්‌ති එත්‌ථ යං පාසාණපිට්‌ඨියං වා පාසාණත්‌ථම්‌භෙසු වා කතසෙනාසනං, යත්‌ථ උපචිකා නාරොහන්‌ති, තං අනාපුච්‌ඡන්‌තස්‌සාපි අනාපත්‌ති. චතූසු පාසාණකෙසූතිආදි උපචිකානං උප්‌පත්‌තිට්‌ඨානෙ පණ්‌ණසාලාදිසෙනාසනෙ කත්‌තබ්‌බාකාරදස්‌සනත්‌ථං වුත්‌තං. අප්‌පෙව නාම අඞ්‌ගානිපි සෙසෙය්‍යුන්‌ති අයං අජ්‌ඣොකාසෙ ඨපිතම්‌හි ආනිසංසො. ඔවස්‌සකගෙහෙ පන තිණෙසු ච මත්‌තිකාපිණ්‌ඩෙසු ච උපරි පතන්‌තෙසු මඤ්‌චපීඨානං අඞ්‌ගානිපි විනස්‌සන්‌ති.
360. Gamikavattesu dārubhaṇḍanti senāsanakkhandhake vuttaṃ mañcapīṭhādi. Mattikābhaṇḍampi rajanabhājanādi sabbaṃ tattha vuttappabhedameva. Taṃ sabbaṃ aggisālāya vā aññatarasmiṃ vā guttaṭṭhāne paṭisāmetvā gantabbaṃ. Anovassake pabbhārepi ṭhapetuṃ vaṭṭati. Senāsanaṃ āpucchitabbanti ettha yaṃ pāsāṇapiṭṭhiyaṃ vā pāsāṇatthambhesu vā katasenāsanaṃ, yattha upacikā nārohanti, taṃ anāpucchantassāpi anāpatti. Catūsu pāsāṇakesūtiādi upacikānaṃ uppattiṭṭhāne paṇṇasālādisenāsane kattabbākāradassanatthaṃ vuttaṃ. Appeva nāma aṅgānipi seseyyunti ayaṃ ajjhokāse ṭhapitamhi ānisaṃso. Ovassakagehe pana tiṇesu ca mattikāpiṇḍesu ca upari patantesu mañcapīṭhānaṃ aṅgānipi vinassanti.
ගමිකවත්‌තකථා නිට්‌ඨිතා.
Gamikavattakathā niṭṭhitā.
Related texts:
තිපිටක (මූල) • Tipiṭaka (Mūla) / විනයපිටක • Vinayapiṭaka / චූළවග්‌ගපාළි • Cūḷavaggapāḷi / 3. ගමිකවත්‌තකථා • 3. Gamikavattakathā
ටීකා • Tīkā / විනයපිටක (ටීකා) • Vinayapiṭaka (ṭīkā) / පාචිත්‍යාදියොජනාපාළි • Pācityādiyojanāpāḷi / 3. ගමිකවත්‌තකථා • 3. Gamikavattakathā
