| Library / Tipiṭaka / තිපිටක • Tipiṭaka / කඞ්‌ඛාවිතරණී-අභිනව-ටීකා • Kaṅkhāvitaraṇī-abhinava-ṭīkā |
2. චීවරවග්‌ගො
2. Cīvaravaggo
11. ගරුපාවුරණසික්‌ඛාපදවණ්‌ණනා
11. Garupāvuraṇasikkhāpadavaṇṇanā
යස්‌මා පවාරිතට්‌ඨානෙ විඤ්‌ඤත්‌ති නාම න පටිසෙධෙතබ්‌බා, තස්‌මා භගවා ධම්‌මනිමන්‌තනවසෙන පවාරිතට්‌ඨානෙ ‘‘වදෙථාය්‍යෙ, යෙනත්‌ථො’’ති (සාරත්‌ථ. ටී. පාචිත්‌තිය 3.784) වුත්‌තාය චතුක්‌කංසපරමං විඤ්‌ඤාපෙතබ්‌බන්‌ති පරිච්‌ඡෙදං දස්‌සෙතීති වෙදිතබ්‌බං. තෙනෙව ‘‘චෙතාපෙතබ්‌බන්‌ති ඨපෙත්‌වා සහධම්‌මිකෙ ච ඤාතකප්‌පවාරිතෙ ච අඤ්‌ඤෙන කිස්‌මිඤ්‌චිදෙව ගුණෙ පරිතුට්‌ඨෙන ‘වදෙථාය්‍යෙ, යෙනත්‌ථො’ති වුත්‌තාය විඤ්‌ඤාපෙතබ්‌බ’’න්‌ති වුත්‌තං. රාජානන්‌ති පසෙනදිකොසලරාජානං.
Yasmā pavāritaṭṭhāne viññatti nāma na paṭisedhetabbā, tasmā bhagavā dhammanimantanavasena pavāritaṭṭhāne ‘‘vadethāyye, yenattho’’ti (sārattha. ṭī. pācittiya 3.784) vuttāya catukkaṃsaparamaṃ viññāpetabbanti paricchedaṃ dassetīti veditabbaṃ. Teneva ‘‘cetāpetabbanti ṭhapetvā sahadhammike ca ñātakappavārite ca aññena kismiñcideva guṇe parituṭṭhena ‘vadethāyye, yenattho’ti vuttāya viññāpetabba’’nti vuttaṃ. Rājānanti pasenadikosalarājānaṃ.
ගරුපාවුරණසික්‌ඛාපදවණ්‌ණනා නිට්‌ඨිතා.
Garupāvuraṇasikkhāpadavaṇṇanā niṭṭhitā.
