| Library / Tipiṭaka / තිපිටක • Tipiṭaka / සංයුත්‌තනිකාය (ටීකා) • Saṃyuttanikāya (ṭīkā) |
6. ඝොසිතසුත්‌තවණ්‌ණනා
6. Ghositasuttavaṇṇanā
129. රූපා ච මනාපාති නීලාදිභෙදා රූපධම්‌මා ච මනසා මනුඤ්‌ඤා පියරූපා සංවිජ්‌ජන්‌ති, ඉදඤ්‌ච සුඛවෙදනීයස්‌ස ඵස්‌සස්‌ස සභාවදස්‌සනත්‌ථං. එවං ‘‘රූපා ච මනාපා උපෙක්‌ඛාවෙදනියා’’ති එත්‌ථාපි යථාරහං වත්‌තබ්‌බං. චක්‌ඛුවිඤ්‌ඤාණ…පෙ.… ඵස්‌සන්‌ති වුත්‌තං. උපනිස්‌සයකොටියා හි චක්‌ඛුවිඤ්‌ඤාණසම්‌පයුත්‌තඵස්‌සො සුඛවෙදනීයො, න සහජාතකොටියා. තෙනාහ – ‘‘එකං ඵස්‌සං පටිච්‌ච ජවනවසෙන සුඛවෙදනා උප්‌පජ්‌ජතී’’ති. සෙසපදෙසූති ‘‘සංවිජ්‌ජති ඛො, ගහපති, සොතධාතූ’’ති ආගතෙසු පඤ්‌චසු කොට්‌ඨාසෙසු.
129.Rūpā ca manāpāti nīlādibhedā rūpadhammā ca manasā manuññā piyarūpā saṃvijjanti, idañca sukhavedanīyassa phassassa sabhāvadassanatthaṃ. Evaṃ ‘‘rūpā ca manāpā upekkhāvedaniyā’’ti etthāpi yathārahaṃ vattabbaṃ. Cakkhuviññāṇa…pe… phassanti vuttaṃ. Upanissayakoṭiyā hi cakkhuviññāṇasampayuttaphasso sukhavedanīyo, na sahajātakoṭiyā. Tenāha – ‘‘ekaṃ phassaṃ paṭicca javanavasena sukhavedanā uppajjatī’’ti. Sesapadesūti ‘‘saṃvijjati kho, gahapati, sotadhātū’’ti āgatesu pañcasu koṭṭhāsesu.
තෙවීසති ධාතුයො කථිතා ඡන්‌නං ද්‌වාරානං වසෙන විභජ්‌ජගහණෙන. වත්‌ථුනිස්‌සිතන්‌ති හදයවත්‌ථුනිස්‌සිතං. පඤ්‌චද්‌වාරෙ වීසති, මනොද්‌වාරෙ තිස්‌සො එවං තෙවීසති.
Tevīsatidhātuyo kathitā channaṃ dvārānaṃ vasena vibhajjagahaṇena. Vatthunissitanti hadayavatthunissitaṃ. Pañcadvāre vīsati, manodvāre tisso evaṃ tevīsati.
ඝොසිතසුත්‌තවණ්‌ණනා නිට්‌ඨිතා.
Ghositasuttavaṇṇanā niṭṭhitā.
Related texts:
තිපිටක (මූල) • Tipiṭaka (Mūla) / සුත්‌තපිටක • Suttapiṭaka / සංයුත්‌තනිකාය • Saṃyuttanikāya / 6. ඝොසිතසුත්‌තං • 6. Ghositasuttaṃ
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / සංයුත්‌තනිකාය (අට්‌ඨකථා) • Saṃyuttanikāya (aṭṭhakathā) / 6. ඝොසිතසුත්‌තවණ්‌ණනා • 6. Ghositasuttavaṇṇanā
