| Library / Tipiṭaka / තිපිටක • Tipiṭaka / සුත්‌තනිපාත-අට්‌ඨකථා • Suttanipāta-aṭṭhakathā |
8. හෙමකසුත්‌තවණ්‌ණනා
8. Hemakasuttavaṇṇanā
1091-4. යෙ මෙ පුබ්‌බෙති හෙමකසුත්‌තං. තත්‌ථ යෙ මෙ පුබ්‌බෙ වියාකංසූති යෙ බාවරිආදයො පුබ්‌බෙ මය්‌හං සකං ලද්‌ධිං වියාකංසු. හුරං ගොතමසාසනාති ගොතමසාසනා පුබ්‌බතරං. සබ්‌බං තං තක්‌කවඩ්‌ඪනන්‌ති සබ්‌බං තං කාමවිතක්‌කාදිවඩ්‌ඪනං. තණ්‌හානිග්‌ඝාතනන්‌ති තණ්‌හාවිනාසනං. අථස්‌ස භගවා තං ධම්‌මං ආචික්‌ඛන්‌තො ‘‘ඉධා’’ති ගාථාද්‌වයමාහ. තත්‌ථ එතදඤ්‌ඤාය යෙ සතාති එතං නිබ්‌බානපදමච්‌චුතං ‘‘සබ්‌බෙ සඞ්‌ඛාරා අනිච්‌චා’’තිආදිනා නයෙන විපස්‌සන්‌තා අනුපුබ්‌බෙන ජානිත්‌වා යෙ කායානුපස්‌සනාසතිආදීහි සතා. දිට්‌ඨධම්‌මාභිනිබ්‌බුතාති විදිතධම්‌මත්‌තා, දිට්‌ඨධම්‌මත්‌තා, රාගාදිනිබ්‌බානෙන ච අභිනිබ්‌බුතා. සෙසං සබ්‌බත්‌ථ පාකටමෙව.
1091-4.Yeme pubbeti hemakasuttaṃ. Tattha ye me pubbe viyākaṃsūti ye bāvariādayo pubbe mayhaṃ sakaṃ laddhiṃ viyākaṃsu. Huraṃ gotamasāsanāti gotamasāsanā pubbataraṃ. Sabbaṃ taṃ takkavaḍḍhananti sabbaṃ taṃ kāmavitakkādivaḍḍhanaṃ. Taṇhānigghātananti taṇhāvināsanaṃ. Athassa bhagavā taṃ dhammaṃ ācikkhanto ‘‘idhā’’ti gāthādvayamāha. Tattha etadaññāya ye satāti etaṃ nibbānapadamaccutaṃ ‘‘sabbe saṅkhārā aniccā’’tiādinā nayena vipassantā anupubbena jānitvā ye kāyānupassanāsatiādīhi satā. Diṭṭhadhammābhinibbutāti viditadhammattā, diṭṭhadhammattā, rāgādinibbānena ca abhinibbutā. Sesaṃ sabbattha pākaṭameva.
එවං භගවා ඉමම්‌පි සුත්‌තං අරහත්‌තනිකූටෙනෙව දෙසෙසි. දෙසනාපරියොසානෙ ච පුබ්‌බසදිසො එව ධම්‌මාභිසමයො අහොසීති.
Evaṃ bhagavā imampi suttaṃ arahattanikūṭeneva desesi. Desanāpariyosāne ca pubbasadiso eva dhammābhisamayo ahosīti.
පරමත්‌ථජොතිකාය ඛුද්‌දක-අට්‌ඨකථාය
Paramatthajotikāya khuddaka-aṭṭhakathāya
සුත්‌තනිපාත-අට්‌ඨකථාය හෙමකසුත්‌තවණ්‌ණනා නිට්‌ඨිතා.
Suttanipāta-aṭṭhakathāya hemakasuttavaṇṇanā niṭṭhitā.
Related texts:
තිපිටක (මූල) • Tipiṭaka (Mūla) / සුත්‌තපිටක • Suttapiṭaka / ඛුද්‌දකනිකාය • Khuddakanikāya / සුත්‌තනිපාතපාළි • Suttanipātapāḷi / 8. හෙමකමාණවපුච්‌ඡා • 8. Hemakamāṇavapucchā
