| Library / Tipiṭaka / තිපිටක • Tipiṭaka / සංයුත්‌තනිකාය (ටීකා) • Saṃyuttanikāya (ṭīkā) |
8. හිරීසුත්‌තවණ්‌ණනා
8. Hirīsuttavaṇṇanā
18. නිසෙධෙතීති නිවාරෙති පවත්‌තිතුං න දෙති. පුච්‌ඡති දෙවතා. අපහරන්‌තොති අපනෙන්‌තො, යථා සබ්‌බෙන සබ්‌බං අක්‌කොසවත්‌ථු න හොති, එවං පරිහරන්‌තොති අත්‌ථො. බුජ්‌ඣති සාරථිවිධං. අත්‌තනි නිපාතං න දෙති, ආජානීයො හි යුත්‌තං පජානාති. අභූතෙන අභූතක්‌කොසෙන පරිමුත්‌තො නාම නත්‌ථි බාලානඤ්‌ච ජනානං පරාපවාදෙ යුත්‌තපයුත්‌තභාවතො. තෙනාහ භගවා –
18.Nisedhetīti nivāreti pavattituṃ na deti. Pucchati devatā. Apaharantoti apanento, yathā sabbena sabbaṃ akkosavatthu na hoti, evaṃ pariharantoti attho. Bujjhati sārathividhaṃ. Attani nipātaṃ na deti, ājānīyo hi yuttaṃ pajānāti. Abhūtena abhūtakkosena parimutto nāma natthi bālānañca janānaṃ parāpavāde yuttapayuttabhāvato. Tenāha bhagavā –
‘‘නින්‌දන්‌ති තුණ්‌හිමාසීනං, නින්‌දන්‌ති බහුභාණිනං;
‘‘Nindanti tuṇhimāsīnaṃ, nindanti bahubhāṇinaṃ;
මිතභාණිම්‌පි නින්‌දන්‌ති, නත්‌ථි ලොකෙ අනින්‌දිතො’’ති. (ධ. ප. 227);
Mitabhāṇimpi nindanti, natthi loke anindito’’ti. (dha. pa. 227);
තනුයාති වා කතිපයා. තෙනාහ ‘‘අප්‌පකා’’ති. සදා සතාති හිරිනිසෙධභාවෙ කාරණවචනං. පප්‌පුය්‍යාති පත්‌වා අධිගන්‌ත්‌වා. වානතො නික්‌ඛන්‌තත්‌තා නිබ්‌බානං, අසඞ්‌ඛතධාතු.
Tanuyāti vā katipayā. Tenāha ‘‘appakā’’ti. Sadā satāti hirinisedhabhāve kāraṇavacanaṃ. Pappuyyāti patvā adhigantvā. Vānato nikkhantattā nibbānaṃ, asaṅkhatadhātu.
හිරීසුත්‌තවණ්‌ණනා නිට්‌ඨිතා.
Hirīsuttavaṇṇanā niṭṭhitā.
Related texts:
තිපිටක (මූල) • Tipiṭaka (Mūla) / සුත්‌තපිටක • Suttapiṭaka / සංයුත්‌තනිකාය • Saṃyuttanikāya / 8. හිරීසුත්‌තං • 8. Hirīsuttaṃ
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / සංයුත්‌තනිකාය (අට්‌ඨකථා) • Saṃyuttanikāya (aṭṭhakathā) / 8. හිරීසුත්‌තවණ්‌ණනා • 8. Hirīsuttavaṇṇanā
