| Library / Tipiṭaka / တိပိဋက • Tipiṭaka / သံယုတ္တနိကာယ • Saṃyuttanikāya |
၉. ဣန္ဒ္ရိယသမ္ပန္နသုတ္တံ
9. Indriyasampannasuttaṃ
၁၅၄. အထ ခော အညတရော ဘိက္ခု ယေန ဘဂဝာ တေနုပသင္ကမိ။ပေ.။ ဧကမန္တံ နိသိန္နော ခော သော ဘိက္ခု ဘဂဝန္တံ ဧတဒဝောစ – ‘‘‘ဣန္ဒ္ရိယသမ္ပန္နော, ဣန္ဒ္ရိယသမ္ပန္နော’တိ, ဘန္တေ, ဝုစ္စတိ။ ကိတ္တာဝတာ နု ခော, ဘန္တေ, ဣန္ဒ္ရိယသမ္ပန္နော ဟောတီ’’တိ?
154. Atha kho aññataro bhikkhu yena bhagavā tenupasaṅkami…pe… ekamantaṃ nisinno kho so bhikkhu bhagavantaṃ etadavoca – ‘‘‘indriyasampanno, indriyasampanno’ti, bhante, vuccati. Kittāvatā nu kho, bhante, indriyasampanno hotī’’ti?
‘‘စက္ခုန္ဒ္ရိယေ စေ, ဘိက္ခု, ဥဒယဗ္ဗယာနုပသ္သီ ဝိဟရန္တော စက္ခုန္ဒ္ရိယေ နိဗ္ဗိန္ဒတိ။ပေ.။ ဇိဝ္ဟိန္ဒ္ရိယေ စေ, ဘိက္ခု, ဥဒယဗ္ဗယာနုပသ္သီ ဝိဟရန္တော ဇိဝ္ဟိန္ဒ္ရိယေ နိဗ္ဗိန္ဒတိ။ပေ.။ မနိန္ဒ္ရိယေ စေ, ဘိက္ခု, ဥဒယဗ္ဗယာနုပသ္သီ ဝိဟရန္တော မနိန္ဒ္ရိယေ နိဗ္ဗိန္ဒတိ။ နိဗ္ဗိန္ဒံ ဝိရဇ္ဇတိ။ပေ.။ ဝိမုတ္တသ္မိံ ဝိမုတ္တမိတိ ဉာဏံ ဟောတိ။ ‘ခီဏာ ဇာတိ, ဝုသိတံ ဗ္ရဟ္မစရိယံ, ကတံ ကရဏီယံ, နာပရံ ဣတ္ထတ္တာယာ’တိ ပဇာနာတိ။ ဧတ္တာဝတာ ခော, ဘိက္ခု, ဣန္ဒ္ရိယသမ္ပန္နော ဟောတီ’’တိ။ နဝမံ။
‘‘Cakkhundriye ce, bhikkhu, udayabbayānupassī viharanto cakkhundriye nibbindati…pe… jivhindriye ce, bhikkhu, udayabbayānupassī viharanto jivhindriye nibbindati…pe… manindriye ce, bhikkhu, udayabbayānupassī viharanto manindriye nibbindati. Nibbindaṃ virajjati…pe… vimuttasmiṃ vimuttamiti ñāṇaṃ hoti. ‘Khīṇā jāti, vusitaṃ brahmacariyaṃ, kataṃ karaṇīyaṃ, nāparaṃ itthattāyā’ti pajānāti. Ettāvatā kho, bhikkhu, indriyasampanno hotī’’ti. Navamaṃ.
Related texts:
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) / ၉-၁၀. ဣန္ဒ္ရိယသမ္ပန္နသုတ္တာဒိဝဏ္ဏနာ • 9-10. Indriyasampannasuttādivaṇṇanā
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / သံယုတ္တနိကာယ (ဋီကာ) • Saṃyuttanikāya (ṭīkā) / ၉-၁၀. ဣန္ဒ္ရိယသမ္ပန္နသုတ္တာဒိဝဏ္ဏနာ • 9-10. Indriyasampannasuttādivaṇṇanā
