Library / Tipiṭaka / တိပိဋက • Tipiṭaka / သံယုတ္တနိကာယ • Saṃyuttanikāya |
၇. ဣသ္သရိယသုတ္တံ
7. Issariyasuttaṃ
၇၇.
77.
‘‘ကိံသု ဣသ္သရိယံ လောကေ၊ ကိံသု ဘဏ္ဍာနမုတ္တမံ။
‘‘Kiṃsu issariyaṃ loke, kiṃsu bhaṇḍānamuttamaṃ;
ကိံသု သတ္ထမလံ လောကေ၊ ကိံသု လောကသ္မိမဗ္ဗုဒံ။
Kiṃsu satthamalaṃ loke, kiṃsu lokasmimabbudaṃ.
‘‘ကိံသု ဟရန္တံ ဝာရေန္တိ၊ ဟရန္တော ပန ကော ပိယော။
‘‘Kiṃsu harantaṃ vārenti, haranto pana ko piyo;
ကိံသု ပုနပ္ပုနာယန္တံ၊ အဘိနန္ဒန္တိ ပဏ္ဍိတာ’’တိ။
Kiṃsu punappunāyantaṃ, abhinandanti paṇḍitā’’ti.
‘‘ဝသော ဣသ္သရိယံ လောကေ၊ ဣတ္ထီ ဘဏ္ဍာနမုတ္တမံ။
‘‘Vaso issariyaṃ loke, itthī bhaṇḍānamuttamaṃ;
ကောဓော သတ္ထမလံ လောကေ၊ စောရာ လောကသ္မိမဗ္ဗုဒာ။
Kodho satthamalaṃ loke, corā lokasmimabbudā.
‘‘စောရံ ဟရန္တံ ဝာရေန္တိ၊ ဟရန္တော သမဏော ပိယော။
‘‘Coraṃ harantaṃ vārenti, haranto samaṇo piyo;
သမဏံ ပုနပ္ပုနာယန္တံ၊ အဘိနန္ဒန္တိ ပဏ္ဍိတာ’’တိ။
Samaṇaṃ punappunāyantaṃ, abhinandanti paṇḍitā’’ti.
Related texts:
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) / ၇. ဣသ္သရိယသုတ္တဝဏ္ဏနာ • 7. Issariyasuttavaṇṇanā
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / သံယုတ္တနိကာယ (ဋီကာ) • Saṃyuttanikāya (ṭīkā) / ၇. ဣသ္သရိယသုတ္တဝဏ္ဏနာ • 7. Issariyasuttavaṇṇanā