Library / Tipiṭaka / တိပိဋက • Tipiṭaka / သံယုတ္တနိကာယ • Saṃyuttanikāya |
၈. ကကုဓသုတ္တံ
8. Kakudhasuttaṃ
၉၉. ဧဝံ မေ သုတံ – ဧကံ သမယံ ဘဂဝာ သာကေတေ ဝိဟရတိ အဉ္ဇနဝနေ မိဂဒာယေ။ အထ ခော ကကုဓော ဒေဝပုတ္တော အဘိက္ကန္တာယ ရတ္တိယာ အဘိက္ကန္တဝဏ္ဏော ကေဝလကပ္ပံ အဉ္ဇနဝနံ ဩဘာသေတ္ဝာ ယေန ဘဂဝာ တေနုပသင္ကမိ; ဥပသင္ကမိတ္ဝာ ဘဂဝန္တံ အဘိဝာဒေတ္ဝာ ဧကမန္တံ အဋ္ဌာသိ။ ဧကမန္တံ ဌိတော ခော ကကုဓော ဒေဝပုတ္တော ဘဂဝန္တံ ဧတဒဝောစ – ‘‘နန္ဒသိ, သမဏာ’’တိ? ‘‘ကိံ လဒ္ဓာ, အာဝုသော’’တိ? ‘‘တေန ဟိ, သမဏ, သောစသီ’’တိ? ‘‘ကိံ ဇီယိတ္ထ, အာဝုသော’’တိ? ‘‘တေန ဟိ, သမဏ, နေဝ နန္ဒသိ န စ 1 သောစသီ’’တိ? ‘‘ဧဝမာဝုသော’’တိ။
99. Evaṃ me sutaṃ – ekaṃ samayaṃ bhagavā sākete viharati añjanavane migadāye. Atha kho kakudho devaputto abhikkantāya rattiyā abhikkantavaṇṇo kevalakappaṃ añjanavanaṃ obhāsetvā yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ aṭṭhāsi. Ekamantaṃ ṭhito kho kakudho devaputto bhagavantaṃ etadavoca – ‘‘nandasi, samaṇā’’ti? ‘‘Kiṃ laddhā, āvuso’’ti? ‘‘Tena hi, samaṇa, socasī’’ti? ‘‘Kiṃ jīyittha, āvuso’’ti? ‘‘Tena hi, samaṇa, neva nandasi na ca 2 socasī’’ti? ‘‘Evamāvuso’’ti.
ကစ္စိ တံ ဧကမာသီနံ၊ အရတီ နာဘိကီရတီ’’တိ။
Kacci taṃ ekamāsīnaṃ, aratī nābhikīratī’’ti.
‘‘အနဃော ဝေ အဟံ ယက္ခ၊ အထော နန္ဒီ န ဝိဇ္ဇတိ။
‘‘Anagho ve ahaṃ yakkha, atho nandī na vijjati;
အထော မံ ဧကမာသီနံ၊ အရတီ နာဘိကီရတီ’’တိ။
Atho maṃ ekamāsīnaṃ, aratī nābhikīratī’’ti.
‘‘ကထံ တ္ဝံ အနဃော ဘိက္ခု၊ ကထံ နန္ဒီ န ဝိဇ္ဇတိ။
‘‘Kathaṃ tvaṃ anagho bhikkhu, kathaṃ nandī na vijjati;
ကထံ တံ ဧကမာသီနံ၊ အရတီ နာဘိကီရတီ’’တိ။
Kathaṃ taṃ ekamāsīnaṃ, aratī nābhikīratī’’ti.
‘‘အဃဇာတသ္သ ဝေ နန္ဒီ၊ နန္ဒီဇာတသ္သ ဝေ အဃံ။
‘‘Aghajātassa ve nandī, nandījātassa ve aghaṃ;
အနန္ဒီ အနဃော ဘိက္ခု၊ ဧဝံ ဇာနာဟိ အာဝုသော’’တိ။
Anandī anagho bhikkhu, evaṃ jānāhi āvuso’’ti.
‘‘စိရသ္သံ ဝတ ပသ္သာမိ၊ ဗ္ရာဟ္မဏံ ပရိနိဗ္ဗုတံ။
‘‘Cirassaṃ vata passāmi, brāhmaṇaṃ parinibbutaṃ;
အနန္ဒိံ အနဃံ ဘိက္ခုံ၊ တိဏ္ဏံ လောကေ ဝိသတ္တိက’’န္တ္န္တ္တိ။
Anandiṃ anaghaṃ bhikkhuṃ, tiṇṇaṃ loke visattika’’ntntti.
Footnotes:
Related texts:
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) / ၈-၁၀. ကကုဓသုတ္တာဒိဝဏ္ဏနာ • 8-10. Kakudhasuttādivaṇṇanā
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / သံယုတ္တနိကာယ (ဋီကာ) • Saṃyuttanikāya (ṭīkā) / ၈. ကကုဓသုတ္တဝဏ္ဏနာ • 8. Kakudhasuttavaṇṇanā