Library / Tipiṭaka / တိပိဋက • Tipiṭaka / သံယုတ္တနိကာယ • Saṃyuttanikāya |
၈. ဒုတိယဧကဓမ္မပေယ္ယာလဝဂ္ဂော
8. Dutiyaekadhammapeyyālavaggo
၁. ကလ္ယာဏမိတ္တသုတ္တံ
1. Kalyāṇamittasuttaṃ
၇၇. သာဝတ္ထိနိဒာနံ ။ ‘‘နာဟံ, ဘိက္ခဝေ, အညံ ဧကဓမ္မမ္ပိ သမနုပသ္သာမိ, ယေန အနုပ္ပန္နော ဝာ အရိယော အဋ္ဌင္ဂိကော မဂ္ဂော ဥပ္ပဇ္ဇတိ, ဥပ္ပန္နော ဝာ အရိယော အဋ္ဌင္ဂိကော မဂ္ဂော ဘာဝနာပာရိပူရိံ ဂစ္ဆတိ, ယထယိဒံ, ဘိက္ခဝေ, ကလ္ယာဏမိတ္တတာ။ ကလ္ယာဏမိတ္တသ္သေတံ, ဘိက္ခဝေ, ဘိက္ခုနော ပာဋိကင္ခံ – အရိယံ အဋ္ဌင္ဂိကံ မဂ္ဂံ ဘာဝေသ္သတိ, အရိယံ အဋ္ဌင္ဂိကံ မဂ္ဂံ ဗဟုလီကရိသ္သတိ။ ကထဉ္စ, ဘိက္ခဝေ, ဘိက္ခု ကလ္ယာဏမိတ္တော အရိယံ အဋ္ဌင္ဂိကံ မဂ္ဂံ ဘာဝေတိ, အရိယံ အဋ္ဌင္ဂိကံ မဂ္ဂံ ဗဟုလီကရောတိ? ဣဓ , ဘိက္ခဝေ, ဘိက္ခု သမ္မာဒိဋ္ဌိံ ဘာဝေတိ ဝိဝေကနိသ္သိတံ။ပေ.။ သမ္မာသမာဓိံ ဘာဝေတိ ဝိဝေကနိသ္သိတံ ဝိရာဂနိသ္သိတံ နိရောဓနိသ္သိတံ ဝောသ္သဂ္ဂပရိဏာမိံ။ ဧဝံ ခော, ဘိက္ခဝေ, ဘိက္ခု ကလ္ယာဏမိတ္တော အရိယံ အဋ္ဌင္ဂိကံ မဂ္ဂံ ဘာဝေတိ, အရိယံ အဋ္ဌင္ဂိကံ မဂ္ဂံ ဗဟုလီကရောတီ’’တိ။ ပဌမံ။
77. Sāvatthinidānaṃ . ‘‘Nāhaṃ, bhikkhave, aññaṃ ekadhammampi samanupassāmi, yena anuppanno vā ariyo aṭṭhaṅgiko maggo uppajjati, uppanno vā ariyo aṭṭhaṅgiko maggo bhāvanāpāripūriṃ gacchati, yathayidaṃ, bhikkhave, kalyāṇamittatā. Kalyāṇamittassetaṃ, bhikkhave, bhikkhuno pāṭikaṅkhaṃ – ariyaṃ aṭṭhaṅgikaṃ maggaṃ bhāvessati, ariyaṃ aṭṭhaṅgikaṃ maggaṃ bahulīkarissati. Kathañca, bhikkhave, bhikkhu kalyāṇamitto ariyaṃ aṭṭhaṅgikaṃ maggaṃ bhāveti, ariyaṃ aṭṭhaṅgikaṃ maggaṃ bahulīkaroti? Idha , bhikkhave, bhikkhu sammādiṭṭhiṃ bhāveti vivekanissitaṃ…pe… sammāsamādhiṃ bhāveti vivekanissitaṃ virāganissitaṃ nirodhanissitaṃ vossaggapariṇāmiṃ. Evaṃ kho, bhikkhave, bhikkhu kalyāṇamitto ariyaṃ aṭṭhaṅgikaṃ maggaṃ bhāveti, ariyaṃ aṭṭhaṅgikaṃ maggaṃ bahulīkarotī’’ti. Paṭhamaṃ.
Related texts:
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) / ၇. ဧကဓမ္မပေယ္ယာလဝဂ္ဂာဒိဝဏ္ဏနာ • 7. Ekadhammapeyyālavaggādivaṇṇanā
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / သံယုတ္တနိကာယ (ဋီကာ) • Saṃyuttanikāya (ṭīkā) / ၇. ဧကဓမ္မပေယ္ယာလဝဂ္ဂာဒိဝဏ္ဏနာ • 7. Ekadhammapeyyālavaggādivaṇṇanā